Jesaja 45:23 - O Debleskro Lab 2024 (Sinte-Manouche)

²³ Me dom man sovel pash mande kokres, oun hoy penom, hi čačo oun nay vell gar krik lino: Hakeno hounte vitsrell pes glan mande ap i phoub, oun hako mouy dell pes sovel

O Debleskro Drom 2021 (Sinte)

²³ Me dom man sowel pash mande kokres, un hoi penom, hi tchatcho un nai well gar krik lino: Hakeno hunte witsrell pes glan mande ap i phub, un hako mui dell pes sowel

Jesaja 45:23 ပူးပေါင်းရင်းမြစ်များ

1. Mose 31:53

Ko Devel, kay hi o Abrahameskro Devel oun o Nahoreskro Devel, kova mou dell koles i phagi, kay rikrell pes gar ap kova.” Yaake das pes o Yakob sovel ap ko Debleste, kay leskro dad Isaak daras lestar.

Nehemia 10:29

I tsele Israelitarya, i rashaya, oun i Levitarya, oun kolla, kay yak denn ap o foreskre voudya, oun i gipangre, oun i boudepangre an o Debleskro kheer, oun kolla i vavar menshendar, kay moukan pengre menshen oun djan kanna o Debleskro drom, ninna lengre romya, lengre čave oun ča, kay hayvenn kova,

Debleskri gili 132:2

Yob das pes sovel glan toute, o Yakobeskro zorelo Debleste, oun penas:

Debleskri gili 63:11

Mou dell len o rharo moulo, oun i divye djoukle te rhan len!

Debleskri gili 98:2

Yob moukell i menshenge an i tsele themma te penell, te lell lo len vin dran o čilačepen. Glan lende moukell lo peskro čačepen te dikell.

Jesaja 21:17

Oun kol morshendar dran Kedar, kay hayvenn mishto o bogeha karye te dell, ačenn gar boud pral. Kova penau me, o baro Devel, koon o Israeleskro Devel hi.

Jesaja 45:19

Me rakrom gar čorrhanes an i khatepen, kay kek shounell, oun penom gar ap o Yakobeskre čavende: Rodenn man čičeske! Me, o baro Devel, rakrau o čačepen, oun penau t'menge, hoy čačo hi.

Jesaja 48:1

Shounenn, t'mer dran o kheer Yakob, t'mer, kay venn o labeha Israel gole dino, oun venn dran o kheer Youda. T'mer denn t'men sovel pash o baro Debleste, oun penenn, te mangenn o Israeleskro Debles an. An o čačepen oun i djoudjo djiyeha krenn t'mer kova gar.

Jesaja 49:18

Dik, hoy an i themma troul toute djal! Kol menshe van khetne, te venn le pash toute! Me dau man sovel pash miro djipen, penell o baro Devel: Yon hi touke har i sonakaskri verkli, hoy troul tiri meen čiveh, oun har i shoukar pereskri dori, hoy i čay troul late pandell, te hi lat biyab.

Jesaja 55:11

Yaake hi kol laba, hoy dran miro mouy vin djan. Yon venn čačo, oun kova, hoy penom, vell yaake har me kamau. Oun kova, hoy mange glan lom, vell yaake kerdo.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Jesaja 61:11

Yaake har moukell i phoub o zenlepen pre te djal, oun bares te vell, yaake moukell o baro Devel, maro ray, o čačepen pre te djal, oun maro sharepen bares te vell pash i menshende an i tsele themma.

Jesaja 62:8

O baro Devel das pes sovel oun das peskro čačo vast pre, oun hadas peskri zoreli moussi, oun penas, te dell kek tsiro bouder, kay moukell lo kolen tiro djob te rhal, kay kourenn pen touha, oun vitar gar i menshen dran vavar themma tiri mool te piyell, kolake tou yaake phares boudral.

Jesaja 65:16

Palle penenn kolla an o them Youda, kay rakrenn i barht vin pral yekeste: “I barht o čačepaskro Deblestar vell pral toute!” Oun kova, kay dell pes sovel an o them, kova dell pes sovel pash o čačepaskro Debleste. Palle hi bistedo kol phare divessa pherdi bibarht, hoy glan kava tsiro his, oun venn mange bouder gar glan i yaka.

Jeremia 22:5

Te shounenn t'mer gar ap kal laba, vell kava kheer paash dino. Kova dom man sovel pash mande kokres, penell o baro Devel.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Jeremia 49:13

Me, o baro Devel, dom man pash mande kokres sovel, te vell t'maro foro Bozra i foro, kolestar i menshe i trashatar pengro shero krik rissrenn. Pral koleste ladjenn le pen, yaake paash dino vell ko foro. Te kamell yek o vavares te praasell, penell lo: Mou djal touke har o foreske Bozra! Ninna i tsele vavar foryendar an o them Edom ačell či pral har barra hako tsireske!

Amos 6:8

O baro oun zorelo Devel, ko ray pral o bolepen oun i phoub, das pes sovel pash peskro djipen oun penas: Me hom rhoyedo pral o pre-phourdepen o Yakobeskre čavendar, oun nay dikau lengre shoukar khera bouder gar glan i yaka. Doleske dau o foro oun lauter, hoy koy dren hi, an i vasta vavar menshendar.

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

Remarja 11:4

Hoy penas o Devel leske? Yob penas: Efta zerya morsha ačan mange pral. Kolla čivan pen gar tele ap i čanga glan o Baal.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

Filiparja 2:10

Oun hakeno an o bolepen oun ap i phoub oun tel i phoub hounte perell glan leste tele ap i čanga.