Jesaja 45:11 - O Debleskro Lab 2024 (Sinte-Manouche)

¹¹ Kava penell o baro Devel, kay kokres o čačo Devel hi. Yob hi o Israeleskro Devel, oun kova, kay les kras: Hounte penap t'menge, hoy mire čaventsa krau? Kamenn mange glan te činell, hoy te krap mire vastentsa?

O Debleskro Drom 2021 (Sinte)

¹¹ Kawa penell o baro Dewel, kai kokres o tchatcho Dewel hi. Job hi o Israeleskro Dewel, un kowa, kai les kras: Hunte penap tumenge, hoi mire tchawentsa krau? Kamenn mange glan te tchinell, hoi te krap mire wastentsa?

Jesaja 45:11 ပူးပေါင်းရင်းမြစ်များ

1. Mose 32:26

Har ko morsh dikas, kay nashte vitsrell lo gar o Yakobes ap i phoub an kava kourepen, das lo les ap o kokalo ap leskri rig. Oun ko kokalo djas vin kote, kay lo dren his.

Jesaja 19:25

O baro Devel, ko ray pral o bolepen oun i phoub, čivell peskri barht ap lende oun penell: Barhtelo hal tou Egiptia. T'mer han mire menshe. Barhtelo hal tou Assour. T'men krom me mire vastentsa. Barhtelo hal tou Israel. T'men rodom me mange vin, te venn mire menshe.

Jesaja 29:23

Te dikenn leskre čave ko koova, hoy mire vastentsa mashkral lende krau, palle hadenn le miro lab; yon sharenn man, o Yakobeskro Debles, kay hom kokres o čačo Devel. Oun yon mangenn man an, o Israeleskro Debles.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 43:15

Me hom o baro Devel, t'maro Devel, kova, kay dran t'mende i natsyona Israel kras. T'maro baro ray hom me.

Jesaja 43:21

Oun mire menshe Israel, kolen mange krom, sharenn man glan i vavarende.

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Jesaja 43:7

Halauter te venn khere, kay miro labeha kharedo venn, kolen mange krom, te vell miro lab baro, kolendar i natsyona krom, hoy miro hi.

Jesaja 44:2

Kova hi, hoy me, o baro Devel, touke penau: Me krom tout oun dom tout o djipen har gomme gar boldo hals; me hom ap tiri rig. Ma dare, miro boudepaskro Yakob, tou Israel, koles me mange vin rodom!

Jesaja 45:10

Djungeles djal koleske, koon ap peskro dadeste penell: Hoske kral tou man? Oun ap i date penell: Hoske anal man ap i phoub?

Jesaja 48:17

O baro Devel, kova, kay tout, Israel, vin las dran o pandepen, yob, o čačo Devel, hi o Israeleskro Devel oun penell: Me, o baro Devel, hom tiro Devel, kova, kay toute sikrell, hoy touke mishto hi, oun ap havo drom tou hounte djas.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

Jeremia 3:19

Me, o baro Devel penom, har nay rikrau me tout, har te vess tou miro čavo? Kamoms te dap tout ko lačo them, ko shoukester kotar them i tsele themendar. Oun patsom, tou peness palle ap mande kamlo tata, oun djals bouder gar mandar krik.

Jeremia 31:1

O baro Devel penell: An ko emligo tsiro hom me o Devel o tselo Israeleskre familyenge, oun yon hi mire menshe.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Ezekiel 36:37

Kava penell o baro Devel, maro ray: Ninna kova krau i menshenge dran o kheer Israel: Te mangenn le mandar, moukau lendar yaake boud te vell, har hi len bakre.

Ezekiel 39:7

Me sikrau mire menshenge Israel, te hom o Devel, oun moukau bouder kek ladj ap mande te anell. I menshe an vavar themma hounte dikenn oun hayvenn, te hom me o baro Devel, o Devel pral o Israel.

Daniel 2:18

te mangenn le o bolepaskro Debles, te vell lo lenge lačes, oun te sikrell lo len ko khatedo koova, yaake te venn yon gar maredo khetne kol vavar sikle morshentsa an o them Babilonia.

Hosea 12:4

Har lo an o per peskri datar his, rhorhras lo peskro phrales. Oun har lo i morsh vas, kouras lo pes o Debleha.

Markus 11:24

Doleske penau t'menge: Lauter, hoy t'mer o Deblestar mangenna, patsenn, te lan les, palle lenn t'mer kova ninna.

2. Korintarja 6:18

Oun me kamau t'maro dad te vell, oun t'mer han mire čave oun mire ča. Kova penell o baro Devel, kay hi o ray pral o bolepen oun i phoub.

Efesarja 2:10

Kova, hoy mer kanna ham, kras o Devel dran mende. Har vam patslo ap o Yezous Kristeste, das lo men o nevo djipen, te kras mer ko lačo koova, hoy yob menge vin rodas oun an mare vasta das.

Josua 10:12

Ap ko dives, kay o baro Devel i Amoraryen an o Israeleskro vast das, rakras o Yosua o baro Debleha oun kharas vin glan i Israelitarya: “Kham, ač tardo pral o foro Gibeon! Oun tou, čon ač tardo an i tala Ayalon!”

Čačepangre 16:23

Oun i raya pral i Filistarya van khetne, te krenn le pengro debleske Dagon i baro rhapen, kay denn le leske boud firhen moulo, oun kay rhan oun piyenn le barhteles khetne. Oun yon penan: Maro devel das men o Simsones an maro vast, koles, kay menge čilačepen kras.