Jesaja 45:1 - O Debleskro Lab 2024 (Sinte-Manouche)

¹ Kava penell o baro Devel ap o Cyrus, koles yob vin rodas, te vell lo baro ray: Me taprom tiro čačo vast, te vitsrap vavar themma tel tire herya, oun te lap i rhare lengre bare rayendar krik, te venn voudya pre kerdo glan toute, te ačenn foreskre voudya gar pandlo glan toute.

O Debleskro Drom 2021 (Sinte)

¹ Kawa penell o baro Dewel ap o Kirus, koles job win rodas, te well lo baro rai: Me taprom tiro tchatcho wast, te witsrap wawar themma tel tire herja, un te lap i chare lengre bare rajendar krik, te wenn wudja pre kerdo glan tute, te atchenn foreskre wudja gar pandlo glan tute.

Jesaja 45:1 ပူးပေါင်းရင်းမြစ်များ

1. Rajengro liil 19:15

Kote penas o baro Devel ap leste: “Dja ko drom pale, hoy tou val, mank o moulo tato them. Oun dja dren an o foro Damaskus! Mak lačo djet ap o shero o morshestar Hasael, te vell yob o ray pral o them Aram!

Esra 1:1

An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun kova i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilendar halauterenge te penell:

Esra 1:2

Yaake rakrell o Cyrus, ko ray pral o them Persia: O baro Devel an o bolepen das man i tsele themma ap kay phoub. Oun yob penas mange, te krap leske i kheer an o foro Yerusalem an o them Youda.

Hiob 12:21

Bari ladj anell lo ap i an-dikle pralstunende. Oun i zorelendar lell lo lengro kourepaskro koova krik.

Debleskri gili 73:23

Kanna ačau hako tsiro pash toute. Tou rikreh man pash miro čačo vast.

Jesaja 13:2

Ap i bari nangi berga čivenn i sikepen pre! Denn zoreles i lourden khetne gole! Sikrenn len i vastentsa, te djan le dren an o foreskre voudya, kay i raya djivenn.

Jesaja 13:3

Me, o baro Devel, dom mire zorele kourepangren khetne gole. Kolla, kay hadenn man barhteli golyah, čivom mange ap i rig, te anenn le miri rholi pral lende.

Jesaja 41:13

Me, o baro Devel, hom tiro Devel, oun taprau tiro čačo vast, oun penau touke: Ma dare! Me hom ap tiri rig!

Jesaja 41:2

Koon das i rayes gole, te vell lo foun kotar, kay o kham pre djal? Ko ray hi zorleder har i vavar, kay lo ninna djal. O Devel dell leste i vavar themma tel leskre herya, oun krell, te perenn lengre bare raya glan leste tele. Oun leskro rharo tradell len krik har patria. Oun glan leskro bogo hi le har phouss, hoy i dourho krik phourdell.

Jesaja 41:25

Me dom i rayes gole, te vell lo peskre lourdentsa foun kotar, kay o kham gar diklo vell. Oun yob vas dran peskro them, hoy kote hi, kay o kham pre djala. Oun yob dell gole ap mande, oun stakrell kol vavar bare rayen khetne, har te vans le čik. oun krell lentsa har ko morsh, kay pirya dran čik rhačell, oun glan kova peskre pirentsa ap ko čik stakrell.

Jesaja 42:6

Me, o baro Devel, dom tout gole, te aness o čačepen pash i menshende. Me taprom tout pash tiro vast. Oun me dau yak ap toute. Tou vess o rakepaskro, kay krell i menshentsa vin, te vap lengro Devel; oun vess i menshenge an i tsele themma i momeli, hoy sikrell len o drom pash mande.

Jesaja 44:28

Me hom kova, hoy ap o Cyrus penell: “Tou dess garda ap mire menshende har i bakrengro ap peskre bakre.” Oun yob krell lauter, hoy kamau, te krell lo. Pral o foro Yerusalem penell lo: “Čivenn les pale pre!” Oun pral o Debleskro baro kheer penell lo: “Čivenn leskre barra pale pre!”

Jesaja 45:5

Me hom o baro Devel oun dell kek vavar. Me kokres hom o Devel. Me dom tout bari zoor, ninna te prindjral man gar,

Jesaja 48:15

Me penom kava, ava, me dom kava morshes gole, oun moukom les te vell. Oun kova, hoy lo peske glan las, kova djal ninna.

Jeremia 27:6

Me dom kal tsele themma an i vasta o baro rayestar, o Neboukadnezar dran o them Babilonia. Yob krell, hoy kamau, te krell lo. Ninna i divye firhen dom les, te vell lo ray pral lende.

Jeremia 43:10

Oun pen ap lende: Kava penell o baro Devel, ko ray pral o bolepen oun i phoub, kay o Israeleskro Devel hi: Shounenn, me dau o Neboukadnezares kate gole. Yob, ko baro ray dran o them Babilonia, krell miri boudi. Pral ap kal barra, hoy moukom an i phoub te čivell, moukau leskro shoukar plarhteno kheer pre te čivell, kay lo beshdo hi oun sikrell, kay yob o baro ray hi.

Jeremia 50:3

Lourde venna dran ko them, hoy kote hi, kay norden hi, oun djan an o kourepen lentsa. Kolla krenn, te vell lengro them i moulo them, yaake kay kek nay djivell kote. I Menshe oun i firhe hounte nashenn penge dran ko them.

Jeremia 50:35

O baro Devel penell: O rharo mou vella pral o them Babilonia, oun pral o foro Babilon peskre pralstunentsa oun goseve morshentsa!

Jeremia 51:11

I Babilonarya kran o baro Debleskro kheer paash. Doleske las pes o baro Devel glan, te phagell lo o foro Babilon tele. Yob das i rayende dran o them Media boud zoor an lende, te djan le ap o foro Babilon pre. Činenn t'mare fayle! Lenn t'mare sasterne bečeskre patria an o vast!

Jeremia 51:30

Kol zorele kourepangre an o them Babilonia ačenn an lengre zorele khera, oun djan gar an o kourepen. Lengri zoryah hi či bouder, yon van har djouvya. O foreskre voudya hi pre-phagedo, oun i khera rhačenna.

Jeremia 51:58

Kava penell o baro Devel, ko ray pral o bolepen oun i phoub: I massurya ko baro forestar Babilon venn tele phagedo bis ap i phoub, oun o foreskre bare voudya venn rhačedo. Palle hi koy boudi čičeske kerdo, hoy menshe dran vavar themma kran. Koleske yon pen tele maran, kova rhačrell pre.

Ezekiel 29:20

O Neboukadnezar oun leskre lourde boudran mange, har pandan le o foro Tirus dren oun kran les paash. Doleske vell lenge o them Egiptia lengri boudjake. Kova penau me, o baro Devel, t'maro ray.

Daniel 5:6

Koy vas o baro rayeskro mouy parno. Oun yob trashas yaake, te nashras lo haki zoor, oun leskre herya trissan.

Daniel 7:5

Oun me dikom i vavar firhes, ko douytes. Kova his har i bero oun his tardo ap douy herya. Oun an leskro mouy his les triin bečeskre kokale mashkral leskre danda. Oun ap leste vas penlo: “Ste pre oun rha boud mass!”

Daniel 8:3

Oun kote dikom pre, oun dikom i bakro glan ko pani tardo. Koles his douy shinga, yek lendar his bareder har ko vavar. Oun ko bareder vas pal ko tikneder vin.

Daniel 8:4

Oun me dikom, har das ko bakro peskre shingentsa ap kol triin rigya: kote, kay o kham tele djal, oun kote, kay o kham gar vell, oun kote, kay lo pralstounes tardo hi. Oun kek firho his zorleder har ko bakro. Oun koon an leskre vasta peras, koles nay las kek vin. Oun ko bakro kras, hoy yob kamas, oun vas pre-phourdo.

Nahum 2:6

I pralstoune lourde venn khetne gole dino. Yaake sik nashenn le, te perenn le pral pengre pire. Pash o foreskri massouri nashenn le, oun čivenn pengro zorelo khatepen pre.

Nahum 3:13

Tire kourepangre – har djouvya van le! I voudya glan tiro them hi dour pre, te nay djan kolla dren, kay kamenn tout te marell. I yag rhačrell kol zorele kashta, kolentsa i bare voudya pandle hi.