Jesaja 44:27 - O Debleskro Lab 2024 (Sinte-Manouche)

²⁷ Me hom kova, kay ap o baro pani penell: “Ab trouk!” Oun kol lengste panya, hoy nashenn an o baro pani, krau me trouk!

O Debleskro Drom 2021 (Sinte)

²⁷ Me hom kowa, kai ap o baro pani penell: “Ab truk!” Un kol lengste panja, hoi nashenn an o baro pani, krau me truk!

Jesaja 44:27 ပူးပေါင်းရင်းမြစ်များ

1. Mose 8:1

O Devel bistras o Noah gar, vitar gar i firhen, kay pash leste an o panyeskro kheer his: kol divye firhe oun kolla, kay gar divye hi. Oun o Devel moukas i baro dourho pral i phoub te phourdell. Koy djas o pani tele.

Debleskri gili 74:15

Tou moukal pani te nashell, kay kek his. Oun kote, kay zorele panya nashan, hi le kanna bouder gar koy.

2. Mose 14:21

Oun o Mose hadas peskro vast pral o baro pani. Oun o baro Devel moukas i baro zorelo dourho pral o pani te phourdell, hoy vas kotar, kay o kham pre djal. Ko dourho phourdas i tseli rat. Oun o baro pani djas pale. Kote, kay pani his, hi kanna phoub, hoy gar sapenes hi. Oun o baro pani kras pes pre, te vas i drom.

Jesaja 42:15

Dran i tsele bare oun tikne berge krau i moulo them. Lengro zenlepen vell djelto. Kote, kay panya nashenn, vell i trouk them, oun i sapeni phoub vell trouk.

Jesaja 43:16

Kava penell o baro Devel, kova, kay kras i drom an o baro pani, te nay djan mank zorele panya.

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Jesaja 51:15

Me hom o baro Devel, tiro Devel, kova, kay o baro pani divyo krell, oun moukell i baro phourdepen pral leste te djal. Miro lab hi baro Devel, ray pral o bolepen oun i phoub.

Jesaja 63:12

Kay hi kova, kay peskri bari zoryah ap o Moseskri čači rig vas? – Kova, kay kras, te djal ko pani glan lende ap douy rigya, oun peske yaake i baro lab kras, hoy an kek tsiro bistedo vell.

Jeremia 50:38

O brishin te vell pale rikedo, te nashenn kek panya bouder an o them! O them Babilonia hi pherdo moule debla, oun lengro patsepen ap kal čilače moule debla kras i menshen narvelo.

Jeremia 51:32

Lourde hi tardo pash o lengsto pani, te nashell nay bouder kek vergel. I zorele khera hi tele rhačedo. Oun mare kourepangre van dareno.”

Jeremia 51:36

Doleske penell o baro Devel ap o foro Yerusalem: Dik, me kamau tiro koova an miro vast te lell. Me krau, te vell lengro lengsto pani Eufrat trouk, oun te nashell an lengre vavar panya bouder kek pani.

Zakarie 10:11

Te djan le daryah mank o baro pani, tradau me o pani pale. Oun o lengsto pani Nil, ninna te djal lo dour tele, vell trouk. Oun me rikrau o pre-phourdo them Assour tele. Oun o them Egiptia hi bouder gar o ray pral vavar themma.

Debleskro tsiro 16:12

Oun o shobto bolepaskro čoras peskro čaro vin pral o baro pani, hoy kharella Eufrat. Oun ko pani djas pale. Yaake vas i drom kerdo kol rayenge, kay venna dran o them, kay o kham pre djal.