Jesaja 44:24 - O Debleskro Lab 2024 (Sinte-Manouche)

²⁴ Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.

O Debleskro Drom 2021 (Sinte)

²⁴ Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 44:24 ပူးပေါင်းရင်းမြစ်များ

Hiob 26:7

O Devel kras o bolepen bourhles pral kova, kay či hi, oun pandas i phoub kote pre, kay či hi.

Hiob 31:15

Yob, kay kras man an miri dakro per, hi kova, kay kras ninna kolen, kay mange boudrenn.

Hiob 37:18

nay kreh tou o bolepen bourhles pral i phoub, har yob kova kras, te vell o bolepen zoreles har i dikepaskri?

Hiob 9:8

Yob kokres kras o bolepen bourhles pral i phoub, oun djal pral o baro pani.

Debleskri gili 104:2

Har i baya čival i bari momeli troul toute. Tou tserdal o bolepen bourhlo har i bari plarhta,

Debleskri gili 136:6

Yob čivas i phoub pral o pani vergel. Leskro lačepen ačella hako tsireske!

Debleskri gili 71:6

Miro tselo djipen rikrom man ap toute. Yaake rah har boldo vom, rikral tou tire vasta pral mande. Tout kamau me te sharell hako dives.

Debleskri gili 78:35

Oun lenge vas an o shero, te hi o Devel kova, kay rikrell len, oun kay yob, o Devel pral halauter, kova hi, kay len vin lell dran o merepen.

Jesaja 40:22

Yob hi kova, kay hi o ray pral i tseli phoub. Oun kolla, kay ap i phoub djivenn, hi glan leste har stepangre. Yob hi kova, kay čivas o bolepen pral i phoub har i bourhli plarhta, har te krell yek i plarhteno kheer, te nay djivell lo dren.

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 42:5

O baro Devel hi maro ray, kova, kay o bolepen kras, oun har i plarhta bourhles kras. Ninna i phoub kras lo, oun lauter hoy li vin anell. Oun i menshen ap late dell lo o dourho, oun djipen kolende, kay ap late djivenn. Yob penell:

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 43:14

O Israeleskro Devel hi o baro Devel, kay t'men dran o pandepen vin lell, oun penell: T'menge, kay an o them Babilonia han, bičrom yekes koy, te anell lo t'men, kay pandle han, vin. Oun kol Babilonarya, kay kanna i barhteli gole denn, rovenna palle.

Jesaja 43:7

Halauter te venn khere, kay miro labeha kharedo venn, kolen mange krom, te vell miro lab baro, kolendar i natsyona krom, hoy miro hi.

Jesaja 44:2

Kova hi, hoy me, o baro Devel, touke penau: Me krom tout oun dom tout o djipen har gomme gar boldo hals; me hom ap tiri rig. Ma dare, miro boudepaskro Yakob, tou Israel, koles me mange vin rodom!

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Jesaja 45:12

Me hom kova, kay kras i phoub, oun ko menshes, kay ap late hi, ninna. Mire vastentsa krom o bolepen bourhles, oun kol tsele momlia ap leste penom me, kay le venn.

Jesaja 45:18

O baro Devel hi o Devel, kay o bolepen kras. Yob hi o Devel, kay i phoub kras oun zoreles pre čivas. Yob kras lat gar yaake, te nay djivell či koy pre. Na-a, yob kras lat yaake, te vell djipen ap late. Yob penell: Me hom o baro Devel, oun dell kek vavar Devel har man!

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Jesaja 45:8

Tou bolepen, de čačepen ap i phoub har brishin! Tou phoub, kre tout pre, oun an lačepen vin! Oun o čačepen mou vell baro ap toute! Me, o baro Devel krom kova lauter.

Jesaja 48:13

Mire vastentsa krom i phoub, oun čivom o bolepen bourhles pral i phoub. Me dom len gole, oun yon his koy tardo.

Jesaja 48:17

O baro Devel, kova, kay tout, Israel, vin las dran o pandepen, yob, o čačo Devel, hi o Israeleskro Devel oun penell: Me, o baro Devel, hom tiro Devel, kova, kay toute sikrell, hoy touke mishto hi, oun ap havo drom tou hounte djas.

Jesaja 49:1

Shounenn ap mande, t'mer kay pash o baro pani djivenn! Denn yak ap miro rakepen, t'mer an i themma, hoy dour krik hi! Har gomme gar boldo vom, das man o baro Devel gole, oun das man miro lab.

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 54:8

Har miri rholi pral keras, rissrom me man toutar tele i tikno tsireske. Miro lačepen touke herell gar pre. Doleske krau miro dji touke bares pre, penell o baro Devel, kova kay tout dran o pandepen vin lell.

Jesaja 59:20

O baro Devel penell: Mire menshenge an o foro Sion vau, te lap len dran o merepen vin. Kolenge dran o kheer Yakob vau, kay moukan pengro čilačo drom.

Jesaja 60:16

Tou leh o bravlepen i menshendar dran vavar themma oun kouč koova lengre rayendar. Palle hayveh, te hom me, o baro Devel, kova, kay las tout vin dran o pandepen, te hom me, o Israeleskro zorelo Devel, kova, kay touke playsras.

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Jeremia 10:12

Yob, o baro Devel, kras i phoub peskri zoryah. Dran peskro gosvepen čivas lo i phoub zoreles tardo, oun kras o bolepen koy pral.

Jeremia 50:34

O dives vell, kay lau len kote vin, me hom zorelo. Me, o baro Devel, ko ray pral o bolepen oun i phoub, lau lengro koova an miro vast, oun lau o kourepen krik i phoubyatar, Pral i menshende an o them Babilonia anau traash.

Jeremia 51:15

Yob, o baro Devel, kras i phoub peskri zoryah, oun kras lat zoreles an peskro gosvepen, oun kras o bolepen koy pral.

Zakarie 12:1

Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.

Johanni 1:3

Khetne leha kras o Devel o bolepen oun i phoub. Či hi koy, hoy gar leha kerdo vas.

Galatarja 1:15

O Debles his i vavar drom mange. Yob kamas mande peskro čaves te sikrell, te djinap, koon yob hi. Har me gomme gar boldo homs, rodas yob man vin. Oun yob his mange lačo oun das man gole, te djap pash kolende, kay kek bibolde hi, te penap lenge leskro čavestar. Har o Devel man pash lende bičras, poučom gar i menshendar, te penenn le mange, hoy te krap,

Efesarja 3:9

oun te sikrap lauterende, har kras o Devel kova, hoy his les an o dji. Kova djinan i menshe i rah tsiro gar. O Devel kokres, kay kras o bolepen oun i phoub, djinas les.

Hebrearja 1:2

Kanna, an kava tsiro, bičras lo peskro čaves pash mende, te rakras yob ap mende. Koleste das o Devel lauter an leskre vasta, te vell yob o ray pral lauter. Koleha kras lo o bolepen oun i phoub.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.