Jesaja 44:23 - O Debleskro Lab 2024 (Sinte-Manouche)

²³ Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

O Debleskro Drom 2021 (Sinte)

²³ Tu bolepen, gib kolestar, hoi o baro Dewel kras! Tu telstunepen i phubjatar, de gole i bachtjatar! Tumer berge, giwenn! Tu weesh tire tsele rukentsa, gib! O baro Dewel las o Jakobes dran o merepen win, un o Israel sharell les.

Jesaja 44:23 ပူးပေါင်းရင်းမြစ်များ

1. Familjakro liil 16:31

O bolepen vell barhtelo, oun i phoub sala. Penenn i tsele menshenge: O baro Devel hi o baro ray.

1. Familjakro liil 16:32

O baro pani stell i barhtyatar oun lauter, hoy an leste hi. O them vell barhtelo oun lauter, hoy ap leste baro vas.

1. Familjakro liil 16:33

I tsele rouka an o veesh givenna i barhtyatar glan o baro Debleste. Yob vella, oun anell o čačepen ap i phoub.

Debleskri gili 148:7

Sharenn o baro Debles, t'mer kay han tele ap i phoub: bare panyengre firhe oun lauter, hoy an i telstoune panya djivella;

Debleskri gili 148:9

Sharenn les, t'mer bare oun tikne berge; t'mer rouka, ap kolende roukengre baro venna rhapaske, ninna t'mer soubyengre rouka,

Debleskri gili 65:13

Kote, kay i bakre djan, hi lauter pherdo zenlepen, oun ap i berge shounah khelepen oun bashepen.

Debleskri gili 69:34

O baro Devel shounell i gole kolendar, kay tele-rikede hi, oun bistrell peskre pandle menshen gar.

Debleskri gili 69:35

O bolepen oun i phoub sharenn les! Ninna i bare panya oun halauter, hoy dren djivell.

Debleskri gili 89:13

Ko them, kay o kham gar tardo hi, tou kral les. Ninna ko them, kay o kham pral tardo hi, tou kral les. Koy berga Tabor oun i berga Hermon sharenn tout i barhtyatar.

2. Mose 18:9

Kote vas o Yetro barhtelo pral ko tselo lačepen, hoy o baro Devel ap i Israelitarya kras, te las lo len dran o vast i Egiptarendar vin.

Jesaja 12:5

Givenn gilya o baro Debleske! Raylo koova kras lo. Hakeno ap i phoub te shounell lestar.

Jesaja 26:15

Baro Devel, tou moukal tire menshen boud te vell, mer vam i bari natsyona. Oun maro them kral bareder oun bourhleder. Yaake sikral tiro barepen oun tiri zoor.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 43:7

Halauter te venn khere, kay miro labeha kharedo venn, kolen mange krom, te vell miro lab baro, kolendar i natsyona krom, hoy miro hi.

Jesaja 46:13

Me anau t'menge miro čačepen. Kova hi gar dour t'mendar krik. Sik lau t'men dran i bibarht vin. An o foro Sion krau i menshen barhteles. oun i Israelende sikrau miro raylepen.

Jesaja 49:13

De gole i barhtyatar, tou bolepen! Ab barhtelo, tou phoub! Givenn, t'mer berge! O baro Devel khossas i sva peskre menshendar tele, oun kras peskro dji kolenge pre, kay tele rikedo van.

Jesaja 49:3

Oun yob penas ap mande: Miro boudepaskro hal tou, Israel, ap toute sikrau miro raylepen.

Jesaja 52:9

Givenn khetne i barhtyatar, t'mer dran o khetne phagedo foro Yerusalem! O baro Devel las pes peskre menshenge an, oun krell o foro Yerusalem neves.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Jeremia 31:11

O baro Devel lell o Yakobeskre čaven vin dran o vast o zorelestar.

Jeremia 51:48

O bolepen oun i phoub, oun halauter, hoy kote dren hi, denn gole i barhtyatar, te perell o foro Babilon an i vasta kolendar, kay venn dran ko them, hoy kote čiddo hi, kay norden hi, te denn le o foro Babilon paash. Kova penell o baro Devel.

Ezekiel 35:14

Kava penell o baro Devel, maro ray: Tou, berga Seir, me krau toutar, te vess i moulo them. Oun ap i tseli phoub venn menshe barhtelo koy pral.

Ezekiel 36:1

Tou, mensho, rake ap i berge an Israel oun pen lenge, hoy lentsa djal, oun pen: T'mer berge Israel: Shounenn, hoy o baro Devel penell!

Ezekiel 36:8

T'mer berge Israel, ap t'mende venn pale rouka baro oun zenelo, oun hidjrenn roukengre mire menshenge Israel. Sik vell ko tsiro, kay venn le pale khere.

Ezekiel 39:13

Oun i tsele menshe an o them Israel paskrenn len. Koleske venn le sharedo i vavar menshendar ap ko dives, kay sikrau har baro oun raylo hom. Kova penell o baro Devel, maro ray.

Efesarja 4:9

Kote hi činlo, kay yob an o bolepen djas. Oun kova penell menge ninna, kay yob glan kova dran o bolepen ap i phoub vas.

1. Petro 4:11

Das tout o Devel gole, te rakress o Debleskro lab, palle rake o Debleskro lab! Das tout o Devel i zoor, te boudress i patslenge, palle kre kova an o Debleskri zoor! Yaake sharah mer o Debles an halauter, hoy o Yezous Kristo men das. Les hi o raylepen oun i zoor kanna oun hako tsiro. Amen!

Debleskro tsiro 12:12

Lauter kolla, kay djivenna an o bolepen, lengro dji dell gole i barhtyatar. Kol vavar, kay djivenn ap i phoub oun ap o baro pani, i bibarht vell ap lende. Pash lende vas o beng. Leske ačell gar boud tsiro. Kova djinell lo. Doleske hi les i bari rholi.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.