Jesaja 44:22 - O Debleskro Lab 2024 (Sinte-Manouche)

²² Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

O Debleskro Drom 2021 (Sinte)

²² Ko tchilatcho koowa, hoi tu kral, lom tutar krik, te hi lo gar buder. Jaake har i nebla, har i wolka krik phurdedo well, jaake phurdom koi doosh krik, hoi ap tute his. Ab pale pash mande, me plaissrom tuke, te wess miro.

Jesaja 44:22 ပူးပေါင်းရင်းမြစ်များ

2. Samuel 12:13

Koy penas o David ap o Nataneste: “Me anom doosh ap mande, oun krom i čilačo koova ap o baro Debleste.” Penas o Natan: “Kanna las o baro Devel tiri doosh toutar krik, oun tou mereh gar.

2. Familjakro liil 6:21

Shoun miro mangepen oun ninna ko mangepen tire menshendar Israel, te denn le gole ap toute kay ap kava kotar phoub. Oun tou te shouneh les an tiro kheer an o bolepen, palle ab kamles, oun le koy doosh mendar krik.

Nehemia 4:5

Kolla, kay mentsa čingepen rodan, penan yek ap o vavareste: “Mer kamah sik oun čorrhanes mank lende te vell, te dikenn le men gar, bis te mer mashkral lende vam. Palle dah len moulo. Yaake krah, te djal koy boudi gar bouder doureder.”

Hiob 37:11

Yob krell i volke pharo oun pherdo pani, oun dran lende dell i yag karye.

Debleskri gili 103:12

Koy rig, kay o kham pre djal, hi dour krik kolatar, kay lo tele djal. Yaake dour har kay yek rig hi koy vavaratar, yaake dour čivas yob mari doosh mendar krik.

Debleskri gili 109:14

Baro Devel, ma biste i doosh leskre phourendar! Ma biste o čilačo koova, hoy leskri day kras!

Debleskri gili 130:8

Ava, yob lell o kheer Israel vin dran leskri tseli doosh.

Debleskri gili 51:1

I gili o rayeske pral i gipangre. O David kras kay gili,

Debleskri gili 51:9

Le miri doosh mandar krik! Palle hom djoudjo an miro dji. Thob man! Oun me vau parneder har gib.

2. Mose 18:9

Kote vas o Yetro barhtelo pral ko tselo lačepen, hoy o baro Devel ap i Israelitarya kras, te las lo len dran o vast i Egiptarendar vin.

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

Jesaja 1:27

T'mer menshe an Sion, te djivenn pale pal o čačepen, oun djan pale ap o Debleskro drom, playsrom t'menge, te venn vin lino dran o pandepen.

Jesaja 31:6

T'mer Israelitarya, rissrenn trouyel pash o baro Debleste, kolestar t'mer yaake dour tele peran!

Jesaja 33:24

Oun kek mensho, kay kote djivell, penell bouder: “An mande hi kek zoor.” Oun kol menshe, kay an kava foro djivenn, kolenge hi pengri phagi krik lino.

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 43:25

Kova hom me, kay thovau o čilačepen toutar tele. Me kokres hom kova, kay nay krell les. Oun bistrau koy doosh, hoy tou ap toute lal.

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 51:11

Kolen o baro Devel dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 52:9

Givenn khetne i barhtyatar, t'mer dran o khetne phagedo foro Yerusalem! O baro Devel las pes peskre menshenge an, oun krell o foro Yerusalem neves.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jeremia 18:23

Tou baro Devel, djineh, hoy len mantsa glan hi, kay kamenn le man moulo te dell. Ma biste lenge lengro čilačepen! Ma le lengri doosh lendar krik! Mouk len glan toute khetne te phagell, te vell tiri rholi pral lende!

Jeremia 3:1

O baro Devel penas: Te bičras i morsh peskri romyat krik, oun yoy djal pash i vavar morsheste, nay lell yob lat gar pale. Palle vals ko them pale-čiddo. Tou dal tout trouyel boudentsa, oun kameh pale pash mande te vell?

Jeremia 33:8

Oun me lau ko tselo čilačo koova krik, hoy le ap mande kran, oun djoungelo koova, koleha yon man doukran oun rhoyran.

Jeremia 50:20

An ko tsiro oun an kol divessa vell koy doosh rodedo, hoy o Israel oun o Youda ap pende anan. Oun kote vell kek doosh hatslo. Me lau lat kolendar krik, kay moukom pral ačell. Kova penau me, o baro Devel.

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Zakarie 1:3

Kanna penau t'menge: Avenn pale pash mande! Oun me vau pash t'mende!

Zakarie 3:4

Oun o bolepaskro penas ap kolende, kay glan leste tardo hi: “Lenn kol čikle koola lestar!” Oun ap o Yeshoua penas lo: “Me lom tiri doosh toutar, oun moukau touke neve koola te rivell.”

1. Korintarja 6:20

O Devel playsras t'menge peskro čaveskro rateha. Doleske sharenn les t'maro tselo djipah!

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.