Jesaja 44:20 - O Debleskro Lab 2024 (Sinte-Manouche)

²⁰ Kova hi yaake, har te mangals lo i yagakri čik an. Leskro dinelo dji anas les an o rhorhepen. Kote hatsell lo kek drom vin, te penals lo peske: “Rikrau me man gar ap o rhorhepen?”

O Debleskro Drom 2021 (Sinte)

²⁰ Kowa hi jaake, har te mangals lo i jagakri tchik an. Leskro dinelo dji anas les an o chochepen. Kote hatsell lo kek drom win, te penals lo peske: “Rikrau me man gar ap o chochepen?”

Jesaja 44:20 ပူးပေါင်းရင်းမြစ်များ

Hiob 15:2

Te vals čačepah gosevo, rakrals gar save pre-phourde laba! Kava, hoy tou kate rakreh, hi či har i tato dourho.

Hiob 15:31

Koon rikrell pes ap čomone, hoy či moldo hi, kova rhorhell pes kokres. oun lell pale, hoy či moldo hi.

Debleskri gili 102:9

Hako dives sanenn kolla pral mande, kay kamenn mange čilačepen, oun praasenn man.

Debleskri gili 115:4

Lengre debla hi dran roup oun sonakay. Menshengre vasta kran len.

Debleskri gili 144:11

Tape man, oun le man vin dran i vasta kol vavar menshendar! Kolengro mouy rhorhepen rakrella, ninna te denn le pen sovel.

Debleskri gili 144:8

Kolengro mouy rhorhepen rakrella, ninna te denn le pen sovel.

Gosewe laba 15:14

Yek, kay hayvell, hoy mishto oun gar mishto hi, kova rodell, har te djinell lo gomme boudeder. O narvelo bokell pal dinelo koova.

Jesaja 47:10

Tou rikral tout ap tiro čilačepen oun penal: “Kek dikas man!” Tiro gosvepen oun lauter, hoy djineh, kras tout pre-phourdo, yaake te penal an tiro dji: “Me hom i bareder. Kek vell zorleder har me.”

Jesaja 57:11

Konestar trashal oun daral tou yaake, te rhorhral man oun bistral man, oun moukal man touke gar an o shero te vell? Hi kova gar yaake: I rah tsiro penom či koy pral. Oun doleske dareh bouder gar mandar.

Jesaja 59:13

Mer phagam maro baro Debleha, djivam har te prindjrams les gar, oun peram lestar tele. Kram i vavaren tiknes maro rakepah, oun phoukram ap lende. Lam men rhorhepen glan oun rakram rhorhepen.

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Hosea 12:1

O baro Devel penell: O rhorheno rakepen i menshendar an o them Efrayim hi troul mande. O kheer Israel rhorhell man vavar deblentsa. Ninna i menshe an o them Youda rikrenn pen gar ap mande, ko čačo Debleste, kay rikrell peskro lab.

Hosea 4:12

Mire menshe poučenn pengre deblen oun vavar kashta, te penenn yon lenge, hoy te krenn le. Lengre djia nashenn i rhorhene deblenge palla. Har i loubni moukell peskro romes, nashan le mandar, pengro Deblestar, krik.

Habakuk 2:18

Hoy vell touke palle ap i rig? I figura dran kasht oun saster, hoy i morsh peskre vastentsa kras? Kova hi rhorhepen! Har nay patsell yek ap i devel, hoy nay rakrell gar, oun koles yob peskre vastentsa kras?

Louka 15:16

Les his bari bok oun kamas ninna kova te rhal, hoy i bale rhana. Kokres kova kamas les kek te dell.

Remarja 1:25

Yon čivan o Debleskro čačepen ap i rig, oun patsan ap kova, hoy rhorhepen hi, oun sharan i menshen oun i firhen, oun mangan len an, har te vans le o Devel. Oun o baro Devel, kay lauter kras oun djipen das, koles sharan le gar, oun mangan les gar an. Oun yob hi kova, kay moldo hi, te vell lo sharedo hako tsiro. Amen.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

1. Timoteo 4:2

Kolla, kay anenn len o čačo dromestar tele, hi rhorhene, kay penenn pendar, te hayvenn le o čačepen. Oun yon djinenn bouder gar, hoy mishto oun čačo hi. Ninna hayvenn le gar, havo čilačo koova yon krenna.

2. Timoteo 2:13

Te rikrah men gar pash leste, yob rikrell pash mende. Oun yob ačell yaake har yob hi.

2. Timoteo 3:13

Kol čilače menshe oun kol rhorhene, kay krenn yaake, har te vans le patslo, kolentsa vell djoungleder oun djoungleder. Yon peran o Debleskro dromestar tele, oun tserdenn ninna vavaren o Debleskro dromestar tele.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

Debleskro tsiro 18:23

I tsele momlia djan vin. Oun kek krella pale i momeli an. Tou shouneh bouder kek pirno peskri pirnyah khelell oun givell. I bikepangren oun i parepangren an ko foro his boud penepaske ap kay phoub. Oun ko bengeskro koova, hoy kran le an o foro, anas i menshen an i tsele themma ap o bengeskro drom.