Jesaja 43:26 - O Debleskro Lab 2024 (Sinte-Manouche)

²⁶ Pen mange, hoy krom, hoy kamal tou gar! Dikas khetne ap kova, hoy t'mer kran! Rake tou, te dikap, te hal an o čačepen!

O Debleskro Drom 2021 (Sinte)

²⁶ Pen mange, hoi krom, hoi kamal tu gar! Dikas khetne ap kowa, hoi tumer kran! Rake tu, te dikap, te hal an o tchatchepen!

Jesaja 43:26 ပူးပေါင်းရင်းမြစ်များ

1. Mose 32:12

De yak ap mande, te krell miro phraal o Esau mange či! Man hi daar lestar, te vell lo oun marell man, ninna i daya pengre čaventsa.

Hiob 16:21

Yaake har i mensho peskro maleske mishto rakrell, kamoms te rakrell yek mange mishto glan o Debleste.

Debleskri gili 141:2

Mouk miro mangepen touke yaake shoukar te vell, har rhačroms me touke soungepaskro koova. Dik ap mire pre-hadede vasta yaake har ap i firho, hoy moukoms touke rati te rhačrell.

Debleskri gili 74:22

Ste pre, miro Devel, oun kre o čačepen vin! Dik ko praasepen, koleha tout kol dinele hako dives praasenna.

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

Jesaja 41:1

O Devel penell ap i menshende an dour themma: Ačenn, oun shounenn ap mande! Ava, ap kolende an vavar themma penell lo: Lenn t'men khetne oun avenn pash mande! Palle nay rakrenn. Moukenn men khetne o čačepen vin te krell!

Jesaja 43:9

I menshe dran i tsele themma van khetne. Kek kolendar penas glan-vi, hoy an o phouro tsiro vas. Kek kolendar penas menge glan-vi, hoy kanna vell. Mou sikrenn le men, koon lendar čomone glan-vi penas, hoy čačepah yaake vas, te shounas mer kova oun nay penah: Kava hi čačo!

Jesaja 50:8

O Devel hi pash mande oun dell man miro čačepen. Koon kamell mantsa an o čingepen te djal? Mou vell lo, te stakras mer khetne glan o čačepaskro ray! Koon hi kova, kay anell čomone pre ap mande? Kova stakrell glan, te dikap les.

Ezekiel 36:37

Kava penell o baro Devel, maro ray: Ninna kova krau i menshenge dran o kheer Israel: Te mangenn le mandar, moukau lendar yaake boud te vell, har hi len bakre.

Louka 10:29

Oun ko morsheske his kova, hoy o Yezous leske penas, gar doha, oun yob poučas pale: “Koon hi kol vavar, te vap lačes ap lende?”

Louka 16:15

Koy penas o Yezous ap lende: “Glan i menshengre yaka kamenn t'mer lačo te vell. O Devel prindjrell t'maro dji. Hoy pash i menshende boud molella, hi či moldo an o Debleskre yaka.

Remarja 10:3

Yon hayvenn gar, har o Devel i menshen an o čačepen čivella. Oun yon djan ap pengro drom, oun djivenn pal pengro čačepen. Yaake krenn le gar, hoy o Devel lendar kamella.

Remarja 11:35

Koon das les čomone, hoy yob hounte dell pale? Kek.

Remarja 8:33

Kek nay anell i doosh ap kolende, kolen o Devel peske vin rodas. O Devel čivas len an o čačepen.