Jesaja 43:25 - O Debleskro Lab 2024 (Sinte-Manouche)

²⁵ Kova hom me, kay thovau o čilačepen toutar tele. Me kokres hom kova, kay nay krell les. Oun bistrau koy doosh, hoy tou ap toute lal.

O Debleskro Drom 2021 (Sinte)

²⁵ Kowa hom me, kai thowau o tchilatchepen tutar tele. Me kokres hom kowa, kai nai krell les. Un bistrau koi doosh, hoi tu ap tute lal.

Jesaja 43:25 ပူးပေါင်းရင်းမြစ်များ

2. Familjakro liil 6:21

Shoun miro mangepen oun ninna ko mangepen tire menshendar Israel, te denn le gole ap toute kay ap kava kotar phoub. Oun tou te shouneh les an tiro kheer an o bolepen, palle ab kamles, oun le koy doosh mendar krik.

Debleskri gili 103:12

Koy rig, kay o kham pre djal, hi dour krik kolatar, kay lo tele djal. Yaake dour har kay yek rig hi koy vavaratar, yaake dour čivas yob mari doosh mendar krik.

Debleskri gili 103:3

Yob hi kova, kay miri tseli doosh mandar krik lella, kova, kay miro tselo nasslepen krik lella oun man sastes krella,

Debleskri gili 25:11

Baro Devel, kre tiro lab baro, oun le miri doosh mandar krik, hoy yaake bares hi!

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

Debleskri gili 51:3

Miro Devel, tou hal yaake lačo, oun tiro kamlepen hi baro! Dik lačes ap mande! Oun le ko čilačo koova, hoy krom, mandar krik!

Debleskri gili 51:4

Thob miri doosh mandar tele, oun le ko tselo čilačepen mandar krik, te vap pale djoudjo!

Debleskri gili 51:9

Le miri doosh mandar krik! Palle hom djoudjo an miro dji. Thob man! Oun me vau parneder har gib.

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

Jesaja 37:35

Oun me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.

Jesaja 38:17

Dik, kova his mange mishto, te vom nasselo: An tiro kamlepen tserdal tou miro djipen vin dran o merepen. I tseli doosh, hoy me ap mande anom, vitsral tou pal tiro doumo.

Jesaja 43:11

Me kokres hom o baro Devel, oun dell kek vavar har me, kay nay lell t'men vin dran o merepen.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Jesaja 48:11

Te rikrau man kanna pale, te dap t'men boudeder dava, palle krau les mange, ava miro labeske. Kamau gar, te vell miro lab praasedo. Kamau gar, te lell i vavar o sharepen, hoy mange hi.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jesaja 64:9

Tire forya van har i moulo them. O foro Yerusalem hi paash dino oun i berga Sion mouklo.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Jeremia 50:20

An ko tsiro oun an kol divessa vell koy doosh rodedo, hoy o Israel oun o Youda ap pende anan. Oun kote vell kek doosh hatslo. Me lau lat kolendar krik, kay moukom pral ačell. Kova penau me, o baro Devel.

Ezekiel 18:22

Ko tselo čilačo koova, hoy lo kras, vell bistedo! Dran ko lačo oun čačo koova, hoy lo kanna krell, ačell lo djido.

Ezekiel 20:14

Palle krom kova gar, te nay rakrenn kol vavar menshe gar djoungeles pral mande, glan kolengre yaka mire menshen vin anom dran o them Egiptia.

Ezekiel 20:22

Oun pale rikrom man pale oun krom lenge či, te nay rakrenn kol vavar menshe gar djoungeles pral mande, glan kolengre yaka mire menshen vin anom dran o them Egiptia.

Ezekiel 20:9

Palle krom kova gar, te nay rakrenn kol vavar menshe gar djoungeles pral mande, mank kolende yon his, oun glan kolende me penom, te hom o Israeleskro Devel, oun te anap len vin dran o them Egiptia.

Ezekiel 33:16

Ko tselo čilačepen, hoy lo kras, vell bistedo. Kanna djivell lo an o čačepen. Doleske ačell lo djido.

Ezekiel 36:22

Doleske pen ap o kheer Israel: Kava penell o baro Devel, maro ray: T'mer kran, kay vas djoungeles rakedo pral mande mank i menshende an vavar themma, pash kolende t'mer van. Kova, hoy kanna krau, krau gar t'menge dran o kheer Israel. Na-a, kova krau, te vell miro lačo lab pale sharedo.

Ezekiel 36:32

Me o baro Devel, t'maro ray penau t'menge: Hi gar t'menge, kay me krau kava lačo koova. Ma bistrenn kova! T'mer dran o kheer Israel, ladjenn t'men oun avenn lolo i ladjatar pral kova, hoy kran!

Markus 2:7

“Har nay penell yob kova? Yob krell pes har o Devel! O Devel kokres nay lell i doosh i menshendar!”

Louka 5:21

Oun i biboldengre čačepangre oun i Farisarya penan yek ap o vavareste: “Koon hi kava morsh, kay krell pes har o Devel? O Devel kokres nay lell i doosh i menshendar.”

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

Remarja 5:20

O Devel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoy lačo oun hoy čilačo hi. Yaake dikan le, har boud čilačo koova yon kran. Oun kote, kay o čilačepen baro vas, kote vas o Debleskro lačepen gomme bareder.

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

Efesarja 1:8

Boud kope his lo menge lačes, oun das men ninna gosvepen, te hayvas leskro drom.

Hebrearja 10:17

Oun me bistrau lengri doosh. Oun lengro čilačepen vell bouder gar an miro shero.

Hebrearja 8:12

Oun me bistrau lengri doosh, hoy yon ap pende anan. Ko čilačepen, hoy yon kran, vell bouder gar an miro shero.