Jesaja 43:23 - O Debleskro Lab 2024 (Sinte-Manouche)

²³ Kol bakre, hoy anal, te venn le rhačedo, his gar mange. Oun kol firhentsa, hoy mange maral, sharal man gar. Me krom touke kek boudi i djobeha, hoy mange rhačrals, oun krom tout gar khino o soungepaskro koveha, hoy mange rhačrals.

O Debleskro Drom 2021 (Sinte)

²³ Kol bakre, hoi anal, te wenn le chatchedo, his gar mange. Un kol viechentsa, hoi mange maral, sharal man gar. Me krom tuke kek budi i djobeha, hoi mange chatchrals, un krom tut gar khino o sungepaskro koweha, hoi mange chatchrals.

Jesaja 43:23 ပူးပေါင်းရင်းမြစ်များ

Nehemia 13:10

Oun kote dikom ninna, te anan i Israelitarya gar i Levitarenge ko koova, hoy len hounte dino vals. Doleske kran i Levitarya oun i gipangre bouder gar pengri boudi an o Debleskro kheer, oun nashan penge hakeno ap peskri kotar phoub.

2. Mose 30:34

Oun o baro Devel penas ap o Mose: Le touke ko kouč koova, hoy mishto soungella: roukengro djet, Onyx, bourrengro djet, ninna djoudjo soungepaskro koova, hoy kharella encens. Hakenestar le yaake boud har ko vavarestar!

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

Gosewe laba 3:9

De o baro Debleste tiro bravlepastar oun ko feteder kolestar, hoy touke khetne anal, yaake hadeh leskro lab.

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.

Jeremia 7:21

Kova penell o baro Devel, ko ray pral o bolepen oun i phoub, kay hi o Israeleskro Devel: Hoske rhačrenn t'mer firhen mange? Čivenn len pash kol vavarende, hoy rhan t'mer khetne glan mande! Rhan ko tselo mass!

Jeremia 7:22

Ap ko dives, har anom t'mare phouren dran o them Egiptia, penom lenge gar, te anenn yon mange firhen rhačepaske, vitar kek, hoy hounte rhan le glan mande.

3. Mose 2:1

Te kamell yek i rhapen dran djob glan o baro Debleste te anell, palle anell lo lačo yarro oun čorell djet pral vergel oun čivell soungepaskro koova koy pral.

3. Mose 24:7

Čip lačo soungepaskro koova ap kal mare. Ko soungepaskro koova vell rhačedo o baro Debleske, oun yaake vell siklo, te hi kal mare o baro Debleske.

Amos 5:25

T'mer Israelitarya, har hans an o moulo tato them kol star-deesh bersha, poučom t'mendar kek firhen oun rhapen, hoy hounte rhačrans mange.

Micha 6:3

Hoy krom t'menge, mire menshe? Čivom i phari boudi ap t'mende? Penenn les mange!

Maleachi 3:8

Me poučau t'mendar: Hi mishto i menshestar, te čorell lo o Deblestar har t'mer mandar čorenna? Koy pre penenn t'mer: Hoy kram, har čoram toutar? T'mer denn man gar o deshto halauterestar, hoy dren lan, vitar gar kova, hoy hounte dans i rashayende.

Mateo 11:30

Kova, hoy me t'menge penaua, hi t'menge lačo. Oun t'mer hounte marenn t'men gar tele.