Jesaja 43:22 - O Debleskro Lab 2024 (Sinte-Manouche)

²² Yakob, kova hal gar tou, kay dal pal mande gole. Israel, tou maral tout gar pal mande tele.

O Debleskro Drom 2021 (Sinte)

²² Jakob, kowa hal gar tu, kai dal pal mande gole. Israel, tu maral tut gar pal mande tele.

Jesaja 43:22 ပူးပေါင်းရင်းမြစ်များ

Debleskri gili 14:4

“Djinenn kol čilače gar, hoy yon krenna”, penell o baro Devel, – “kolla, kay rhan mire menshen har i kotar maro? Oun ap mande denn le gar gole.”

Debleskri gili 79:6

Čore tiri rholi ap kol menshende vin, kay tout gar prindjrenna, ap kol themma, kay tout gar an-gole denna!

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

Jesaja 64:7

Kanna, baro Devel, tou maro dad, mer ham har i loli phoub, dran kolate tou i čaro rhačeh. Tire vasta kran men halauter.

Jeremia 10:25

Tiri rholi mouk te vell pral kol menshende, kay kamenn toutar či djinell, pral kolende, kay tout gar sharenn! Har divye firhe vavar firhen rhan, yaake rhan yon o Yakobeskre menshen pre, bis te bouder či pral ačas, Oun dran leskro them kran yon i moulo them.

Jeremia 2:5

Kova penell o baro Devel: Havo djoungelo koova hatsan t'mare phoure ap mande, kay djan yon mandar krik, oun mangan figuren an, kay kek devel hi. Oun yaake djan le tele.

Daniel 9:13

Yaake har an o Moseskro liil činlo hi, yaake vas ninna koy bari bibarht pral mende. Oun mer mangam men gar tele glan toute, maro baro Debleste, oun moukam gar maro čilačo drom, oun dam gar yak ap tiro čačepen.

Micha 6:3

Hoy krom t'menge, mire menshe? Čivom i phari boudi ap t'mende? Penenn les mange!

Maleachi 1:13

Oun t'mer penenn: Dikenn, havi boudi hi men koleha! Ko vell menge dran o nak vin. T'mer anenn mange firhen, kay hi čoredo, bango oun nasselo. Penap me koy pre: Kova hi shoukar, hoy t'mer mange krenn, penell o baro Devel.

Maleachi 2:17

T'mer rhoyrenn o baro Debles t'maro rakepah! T'mer penenna: Har rhoyram mer les? T'maro rakepen hi: An o baro Debleskre yaka hi i čilače lačo. Yob kamell len. T'mer penenn ninna: Kay hi o Devel, kay men i phagi della?

Maleachi 3:14

T'mer penenn: Dineles hi, te das maro djipen an o Debleskro vast. Hoy anell menge kanna, te rikrah leskre laba, oun mangah men tele glan o baro Debleste, ko rayeste pral o bolepen oun i phoub?