Jesaja 43:19 - O Debleskro Lab 2024 (Sinte-Manouche)

¹⁹ Dik, me krau nevo koova! Kanna vell kova! Hayvenn oun dikenn les gar? Ava, me krau i drom an o moulo them, oun moukau bare zorele panya te nashell an o tato them.

O Debleskro Drom 2021 (Sinte)

¹⁹ Dik, me krau newo koowa! Kanna well kowa! Haiwenn un dikenn les gar? Awa, me krau i drom an o mulo them, un mukau bare sorele panja te nashell an o tato them.

Jesaja 43:19 ပူးပေါင်းရင်းမြစ်များ

Debleskri gili 105:41

Yob phagas i baro bar, oun pani nashas vin, oun nashas an o moulo them har i lengsto baro pani.

Debleskri gili 126:4

Baro Devel, an pale lauteren mendar, kay pandle hi, yaake har tou aneh kol tikne panya pale, an o them, kay o kham pralstounes hi.

2. Mose 17:6

Oun me čivau man glan toute tardo ap o baro bar pash i berga Horeb. Oun palle dess tou ap o baro bar, oun dran leste nashella pani, yaake te vell len te piyell.” Oun o Mose kras kova yaake glan i yaka kol phourendar.

Jesaja 30:25

Oun an ko tsiro, kay o baro marepen hi, oun i zorele khera khetne phagenn, nashenn panya, tikne oun bare, o pralstouno themestar oun ap haki berga tele.

Jesaja 32:2

Oun hakeno lendar hi har i kheer, kay yek nay khatrell pes glan i baro phourdepen, oun glan i baro zorelo brishin. Ava, yon hi har i panya an i moulo them, oun har i baro bar pal koleste yek pes khatrell, te rhačell o kham tele an i tato them.

Jesaja 33:21

Kote hi o baro Devel zoreles pash mende. Yob hi maro čačepaskro ray, oun kova, kay menge glan djal, ava, maro baro ray, kay men dran o merepen vin lell. Oun o foro hi čiddo pash bourhle lengste panya. Oun kek bero oulerell ap lende. Oun kek kourepaskro shiffo oulerell ap lende trouyel.

Jesaja 35:1

Barhteles vell ko them, hoy kanna tato oun moulo hi. Oun o divyo trouk them sal, oun lauter an leste djivell pre oun anell bloume vin.

Jesaja 41:18

Me moukau pani i berge tele te nashell, oun pani dran i phoub te vell an o telstouno them. Me krau o moulo them te vell lestar i them, kay panya nashenna, oun dran ko trouk them krau i panyeskro them.

Jesaja 41:19

An o moulo tato them moukau rouka bares te vell: cedertikre rouka, akatstikre rouka, mirtetikre rouka oun djeteskre rouka. Oun o divyo trouk them vell pherde soubyengre rouka oun vavar rouka.

Jesaja 42:9

Kova, hoy glan i rah tsiro penom, kova vas. Kanna penau nevo koova glan-vi. Glan o tsiro, kay kova vella, moukau me les t'men te shounell.

Jesaja 48:5

Doleske penom me kova t'menge glan i rah tsiro. Oun glan kova vas, moukom me les t'men te shounell, te nay penenn gar: “Miri debleskri figura kras kova, oun koy figura dran kasht oun saster, hoy an-mangom, kaya penas, te vell kova yaake.”

Jesaja 48:6

Kova lauter shounan t'mer, oun dikan, kova vas yaake har penom. Kamenn t'mer kova gar dren te dikell oun doureder te penell? Kanna moukau t'men nevo koova te shounell, čomone, hoy khatedo his, oun t'mer gar prindjrenn.

Jesaja 49:10

Yon bokenna gar oun troushenna vitar gar. Oun o tato dourho dran o moulo them doukrell len gar, vitar gar dell len o kham čourye. Me, kay man i baro dji lenge hi, sikrau lenge o drom, oun anau len pash shila pani, te nay piyenn le.

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Jeremia 23:7

O dives vell, penell o baro Devel, kay vell gar bouder sovel dino kal labentsa: … pash o djido Debleste, kay las i Israelitaryen vin dran o them Egiptia.

Jeremia 31:22

Har rah kameh te nashess trouyel, tou, miri čay, kay moukal miro drom? O baro Devel krell čomone neves ap i phoub: I romni hi pash peskro romeste.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

4. Mose 20:11

Oun o Mose hadas peskro vast, oun das ko lengsto kashteha douy kope ap ko baro bar. Koy vas yaake boud pani dran vin, kay piyan i tsele menshe oun lengre firhe.

2. Korintarja 5:17

Kanna djinah: Koon o Yezous Kristeha djivella, kova hi i nevo mensho, oun djivell bouder gar peskro phouro djipen. I nevo koova vas an leskro djipen.

5. Mose 8:15

Yob sikras t'men o drom an ko baro moulo tato them, kay t'men daar his, an koleste čilače sapa oun skorpione hi. Kote, kay o kham lauter pre rhačras, oun kek pani dell, moukas lo t'menge pani dran i baro zorelo bar te nashell,

Debleskro tsiro 21:5

Oun kova, kay ap o Debleskro beshepaskro beshdo hi, penas: “Dikenn, me krau lauter neves.” Oun ap mande penas lo: “Čin kal laba an i liil! Kal laba hi čačo. Oun yaake vell lauter.”