Jesaja 43:16 - O Debleskro Lab 2024 (Sinte-Manouche)

¹⁶ Kava penell o baro Devel, kova, kay kras i drom an o baro pani, te nay djan mank zorele panya.

O Debleskro Drom 2021 (Sinte)

¹⁶ Kawa penell o baro Dewel, kowa, kai kras i drom an o baro pani, te nai djan mank sorele panja.

Jesaja 43:16 ပူးပေါင်းရင်းမြစ်များ

Nehemia 9:11

Tou dal o baro pani, yaake te djas lo ap douy rigya krik, oun i drom koy his, kay nay djan tire menshe mashkral ko baro pani ap i vavar rig. Kolla, kay tire menshe palla lan, tassan oun djan tele har barra an o telstouno pani.

Debleskri gili 106:9

Yob čingras ap o Baro Lolo Pani. Koy djas o pani pale, oun i phoub his bouder gar sapeno. Oun yob moukas len mank o pani te djal har te vals trouk them.

Debleskri gili 77:19

Tou kral bari gole ap o bolepen. Koy yag ap o bolepen kras i rat har te vals dives. I phoub trissas i daryatar.

Debleskri gili 77:20

Tou djal mashkral o baro pani. Tire herya djan an o telstouno pani. Oun kek nay dikas, kay tire herya stakran.

Debleskri gili 78:13

Yob kras i drom an o baro pani, oun moukas len mashkral ap i vavar rig te djal. Ap kol douy rigya his o pani pral tardo har i kheer.

2. Mose 14:16

Tou, hade tiro kasht pre oun tiro vast pral o baro pani, te krell lo pes pre oun djal ap douy rigya. Yaake te nay djan i Israelitarya mashkral o baro pani ap i drom, hoy gar sapenes hi.

2. Mose 14:29

Yaake djan i Israelitarya mashkral o baro pani ap i vavar rig. Yon djan ap i drom, hoy gar sapenes hi. Oun o pani his tardo ap i čači rig, ninna ap i servi rig lendar, har bare barra, hoy troul i foro tardo hi.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Jesaja 44:27

Me hom kova, kay ap o baro pani penell: “Ab trouk!” Oun kol lengste panya, hoy nashenn an o baro pani, krau me trouk!

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Jesaja 51:10

Hals gar tou kova, kay o baro pani trouk kras, oun mank kol panya, hoy yaake dour tele djan, i drom das, yaake te nay djan kolla vergel, kay dran o pandepen vin lino van?

Jesaja 51:15

Me hom o baro Devel, tiro Devel, kova, kay o baro pani divyo krell, oun moukell i baro phourdepen pral leste te djal. Miro lab hi baro Devel, ray pral o bolepen oun i phoub.

Jeremia 31:35

Kova penell o baro Devel, kay moukell o kham pre te djal, te vell dives, oun o čon oun o bolepangre momlia, te nay dikah mer an i rat. Yob krell o baro pani divyo, te djal lo pral oun tele. Leskro lab hi baro Devel, ray pral o bolepen oun i phoub.

Debleskro tsiro 16:12

Oun o shobto bolepaskro čoras peskro čaro vin pral o baro pani, hoy kharella Eufrat. Oun ko pani djas pale. Yaake vas i drom kerdo kol rayenge, kay venna dran o them, kay o kham pre djal.