Jesaja 43:13 - O Debleskro Lab 2024 (Sinte-Manouche)

¹³ Oun kova ačau me ninna. Kek hi koy, kay nay lell vin dran miro vast, oun čivell pes mange an o drom.

O Debleskro Drom 2021 (Sinte)

¹³ Un kowa atchau me ninna. Kek hi koi, kai nai lell win dran miro wast, un tchiwell pes mange an o drom.

Jesaja 43:13 ပူးပေါင်းရင်းမြစ်များ

Hiob 10:7

Tou djineh, te hi ap mande kek doosh, oun te hi kek koy, koon nay lell miro djipen dran tiro vast vin.

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Hiob 9:12

Te lell lo yekes zoryah krik, koon kamell les pre te rikrell? Kek nay penell ap leste: Hoy kreh tou?

Debleskri gili 102:28

Tou ačeh yaake har tou hal, oun djiveh hako tsiro.

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Debleskri gili 90:2

Glan i berge kerdo van, oun tou i phoub kral, hals tou, o Devel, koy. Oun tou ačeh hake tsirya.

Debleskri gili 93:2

Baro Devel, yaake rah har o bolepen oun i phoub koy hi, hal tou o baro ray. Glan hako tsiro hals tou koy.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Gosewe laba 8:23

Me homs koy glan hako tsiro, har i phoub gomme gar kerdo vas.

Jesaja 14:27

O baro Devel, ko ray pral o bolepen oun i phoub, las pes kova glan. Koon nay krell, te vell kova gar? Leskro vast hi hadedo. Koon nay lell leskro vast pale?

Jesaja 41:4

Koon hi kova, kay kras kova lauter? Koon dell i menshen gole oun penell, hoy lentsa djala? Me hom kova, o baro Devel; glan hake tsirya homs koy, oun hom gomme koy, te venn i palstoune divessa.

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Jesaja 46:4

Ninna te van t'mer phouro, ačau me kova, kay homs; ninna te lan t'mer parne balla, rikrau t'men. Me hom, kay krom t'men. Oun me rikrau t'men, oun hidjrau t'men, oun lau t'men dran o čilačepen vin.

Jesaja 47:15

Yaake hi kol tsele dravepangre, kolentsa khetne boudral, kolla, kay paran touha foun ko tsiro, har terno hals. Kek lendar nay rikrell pes ap peskre herya, oun perell foun yek rig ap i vavar. Oun kek hi koy, kay lell tout vin dran i bibarht.

Jesaja 48:16

Stakrenn glan mande, oun shounenn kava! Glan i rah tsiro penom t'menge, hoy vella. Kova penom gar an i khatepen. Har kova vas, homs koy. Oun kanna bičras man o baro Devel, maro ray, oun das man peskro dourho.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Hosea 2:10

Yoy kamas gar te hayvell, kay me homs kova, kay dom lat djob, mool oun djet, ninna boud roup oun sonakay. Oun kova das li o moulo debleske, o Baal.

Hosea 5:14

Me hom o themeske Efrayim har i levo, oun o khereske Youda har i terno levo. Me dandrau len an kotya, oun djau mange. Me hidjrau len krik, oun kek nay lell len dran miro vast vin.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Habakuk 1:12

[Me penom:] Tou, miro baro Devel, hal kokres o čačo Devel, oun hal hako tsireske koy! Mouk men gar te merell! Baro Devel, pash toute khatrah men, tou dal len gole, te denn le menge i phagi, ava, tou bičral len, te denn le men dava.

4. Mose 23:20

Shoun, yob penas mange te rakrap i barht pral kol menshende vin. Yob čivas i barht pral lende. Oun me nay krau či vavares.

Johanni 8:58

Penas o Yezous ap lende: “Čačepah, me penau t'menge: O Abraham his gomme gar boldo, koy homs me koy.”

Efesarja 1:11

Yob kras, te vam mer o Debleskre čave. Oun ko bolepaskro bravlepen, hoy leskro hi, vell ninna maro. Kova kamas o Devel glan i rah tsiro yaake. Oun lauter, hoy yob kamella, krell lo.

5. Mose 28:31

Tou dikeh har vavar tiri groumni marenn, oun tou lell latar či te rhal. Tiri bourika vell touke randedo glan tire yaka, oun vell tout gar bouder pale dino. Kol menshe, kay kourenn pen touha lenn tire bakre oun bouzya penge, oun kek vell ap tiri rig, te lell lo len dran lengre vasta vin.

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.

1. Timoteo 1:17

Me sharau o Debles, koles, kay hako tsiro o baro ray hi; kova, kay merella gar, oun kay nay dikell les kek. Kova kokres hi o Devel. Leskro raylepen ačell hako tsireske. Amen.

Hebrearja 13:8

O Yezous Kristo ačell har yob hi: taysar, kava dives, oun hako tsireske.

Josua 2:2

An kay rat vas o baro rayeske pral o foro Yericho penlo: “Shoun, an kaya rat van morsha kol menshendar Israel an o foro, te dikenn le čorrhanes, har zorelo maro them hi.”

Debleskro tsiro 1:8

O baro Devel penella: “Mandar vas lauter. Oun lauter vella pale glan mande. Man hi i tseli zoor, oun djivau hako tsireske: kanna oun an ko tsiro, hoy his oun hoy vella.”