Jesaja 42:22 - O Debleskro Lab 2024 (Sinte-Manouche)

²² Hoy vas dran leskre menshende? Lengro them hi vi-čoredo oun vi-randedo. Yon halauter hi tapedo, oun pandlo an o stilepen. Randedo hi le, oun kek hi koy, kay lell len vin dran o pandepen. Čoredo hi le, oun kek hi koy, kay penell: De pale kay!

O Debleskro Drom 2021 (Sinte)

²² Hoi was dran leskre menshende? Lengro them hi wi-tchoredo un wi-randedo. Jon halauter hi tapedo, un pandlo an o stilepen. Randedo hi le, un kek hi koi, kai lell len win dran o pandepen. Tchoredo hi le, un kek hi koi, kai penell: De pale kai!

Jesaja 42:22 ပူးပေါင်းရင်းမြစ်များ

Debleskri gili 102:20

O baro Devel dikas pral tele dran o pralstunepen, kay lo khere hi. Dran o bolepen dikas lo tele ap i phoub,

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Jesaja 1:7

T'maro them hi i moulo them, t'mare forya van tele rhačedo. Glan t'mare yaka rhan i vi-themarya kova, hoy ap t'mari phoub bares vas. Lauter hi moulo oun paash, har te perans i divye koy pral.

Jesaja 14:17

Hi yob kova, kay dran i phoub i moulo them kras, oun i forya khetne phagas, oun leskre pandlen gar bouder khere moukas?”

Jesaja 18:2

Kava them bičrell peskre bičepangren pral o baro pani. An tikne shiffe oulerenn le pral i panya. T'mer sik bičepangre, djan pash kol menshende, kay hi baro oun djeteha dren maklo, pash koy natsyona, kolendar i menshe darenna an hake themma, pash kolende, kay bari zoryah i vavarende khetne stakrenn, an kolengro them bare lengste panya nashenna.

Jesaja 24:18

Kova, kay nashell nay peske glan i trashakri gole, perell an i grouba. Oun kova, kay tserdell pes pral dran i grouba, vell an i netsa tapedo. O bolepen krell pes pre oun dell baro brishin oun o telstunepen, hoy i phoub hidjrell, trissella.

Jesaja 24:22

Yon lauter venn khetne lino oun an i grouba vitsedo, oun an o stilepen dren pandlo, oun pal boud divessa vell palle pral lende i phagi vin rakedo.

Jesaja 24:3

I tseli phoub vell nango oun či ačell pral ap late. Ava, vi-randedo oun vin čoredo vell li. Kova rakras o baro Devel.

Jesaja 36:1

O Hiskiya his an o 14. (deesh-te-starto) bersh baro ray pral o them Youda, koy djas o baro ray pral o them Assour, o Sanherib, an o them Youda oun las i tsele zorele forya peske dren.

Jesaja 42:23

Koon t'mendar kamell kava peskre kandentsa te shounell? Koon kamell koy pre yak te dell an ko tsiro, hoy vella?

Jesaja 42:7

Tou kress i korelenge i yaka pre, oun less i pandlen vin dran o stilepen, kay hi le beshdo an i kali rat.

Jesaja 45:13

Me hom kova, kay moukas o Kiruses pre te stell, te anell lo o čačepen. Oun me kamau lauter krik te lell, hoy leske ap leskro drom čiddo hi. Yob čivell mange ko foro pale pre. Oun mire menshe, kay pandles krik anlo van, kolen moukell yob te djal. Kek dell les love koleske, vitar gar vavar koova. Kova penell o baro Devel, ko ray pral o bolepen oun i phoub.

Jesaja 5:29

Lengri gole hi har koya, hoy i levo dell, ava, yaake har dell i terno levo gole, hoy vell dour dran leskri meen. Oun palle stell lo pre oun taprell ko firhes, hoy lo rhapaske kamell, oun hidjrell les kote, kay kek nay lell les leske krik.

Jesaja 51:23

Me dau les kanna an o vast kolendar, kay tiro djipen yaake phares kran, kolla, kay ap toute penan: “Vitse tout tele, te djap pral toute vergel!” Oun tou kral tiro doumo yaake, te hals yek i phoubyah, oun hals lenge har o drom, pral koleste yon pral vergel djan.

Jesaja 56:9

Avenn kay, t'mer lourde dran vavar themma, oun perenn pral mire menshende har divye firhe oun rhan!

Jeremia 50:17

O Israel his har i nashedo bakro, hoy lan i leve palla. Ko ersto his o baro ray dran o them Assour, kova rhas les. Pal leste vas o baro ray pral o them Babilonia, o Neboukadnezar. Kova dandras ko mass tele, hoy ap leskre kokale ačas.

Jeremia 52:31

Har o Evil-Merodak o baro ray pral Babilonia vas, moukas lo gomme an kava bersh o Yoyakin, ko rayes pral o them Youda dran o stilepen te lell. Kova his an o 37. (triyanda-te-eftato) bersh, har o Yoyakin krik anlo vas, ap o 25. (biish-te-pančto) dives an o deesh-te-douyto čon.