Jesaja 42:18 - O Debleskro Lab 2024 (Sinte-Manouche)

¹⁸ O baro Devel penell: Shounenn, t'mer, kay shounenn nay gar! Oun t'mer korele, dikenn oun hayvenn!

O Debleskro Drom 2021 (Sinte)

¹⁸ O baro Dewel penell: Shunenn, tumer, kai shunenn nai gar! Un tumer korele, dikenn un haiwenn!

Jesaja 42:18 ပူးပေါင်းရင်းမြစ်များ

2. Mose 4:11

Pale penas o baro Devel ap o Moseste: “Koon krell, te nay rakrenn i menshe? Oun koon krell kova, te nay rakrell oun shounell yek gar? Koon krell kova, te nay dikenn le? Oun koon krell, te nay dikell yek gar? Hom kova gar me?

Gosewe laba 20:12

O kand, hoy shounell oun i yak hoy dikell, kol douyen kras o baro Devel.

Jesaja 29:18

Ap ko dives shounenn kolla, kay nay shounenn gar, i laba dran i liil. Oun i korele nay dikenn oun djivenn bouder gar an o kalepen oun an i rat.

Jesaja 35:5

Palle nay dikenn i korele, oun kolla, kay nay shounan gar, shounenn.

Jesaja 43:8

An kay glan mande kol menshen, kay korele hi, ninna te hi len yaka, oun kolen, kay shounenn gar, ninna te hi len kanda!

Louka 7:22

Oun yob penas o Yohanneskre malenge: “Penenn o Yohanneske, hoy t'mer dikan oun shounan: I korele nay dikenn pale. Oun i bange nay djan pale. I nassele, kay lengro mass ap lende tele merell, venna sasto. Kolla, kay nay shounan gar, nay shounenna pale. I moule venna djido. Oun i čorvele shounenn o Debleskro lačo lab.