Jesaja 42:13 - O Debleskro Lab 2024 (Sinte-Manouche)

¹³ O baro Devel djal vin an o kourepen har i zorelo morsh; oun kourell pes har i kourepaskro, koleskro dji pherdo hi, te djal lo an o marepen. Zoreles dell lo o kourepaskri gole, oun kek daryah djal lo vin ap kolende, kay kourenn pen leha.

O Debleskro Drom 2021 (Sinte)

¹³ O baro Dewel djal win an o kurepen har i sorelo mursh; un kurell pes har i kurepaskro, koleskro dji pherdo hi, te djal lo an o marepen. Soreles dell lo o kurepaskri gole, un kek darjah djal lo win ap kolende, kai kurenn pen leha.

Jesaja 42:13 ပူးပေါင်းရင်းမြစ်များ

Debleskri gili 118:16

Leskro čačo vast hi hadedo: Yob hi o zorleder an o kourepen.”

Debleskri gili 78:65

Koy stas o baro Devel pre, har yek, kay sovas oun pre djangras. Zorelo his lo har yek, kay pash i pipen barhtelo vas.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 31:4

Kava hi, hoy rakras o baro Devel ap mande: I levo – nay vell i phouro, nay vell i terno – hoy i firhes tapras, moukell pes gar lestar krik te tradell. Yob dell gole oun darell gar kolendar, kay ap i firhende yak dan, oun kanna khetne kharedo van, oun bari gole ap leste denn. Ninna te hi kolla boud, trashell lo lendar gar. Yaake vau me, o baro Devel, ko ray pral o bolepen oun i phoub, tele ap i berga Sion, te kourap man mire menshenge.

Jesaja 37:32

Ava, dran o foro Yerusalem venna pale menshe, kay kolendar venna, kay djido ačan. Oun ap i berga Sion djivenn kolla, kay vin lino van dran o merepen. Yob, o baro Devel, ko ray pral o bolepen oun i phoub, hi, kay kova krell.

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jesaja 66:14

T'mer dikenn kova, oun t'mare djia givenna. Oun t'mer lenn nevi zoor, yaake har o zenlepen, te dell brishin. Oun i menshe dikenn, te hi o baro Debleskri zoor pash peskre boudepangre, oun leskri rholi ap kolende, kay shounenn gar ap leste.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Jeremia 25:30

Tou Yeremia, hounte peness lenge kal tsele laba, hoy penom. Pen lenge ninna: O baro Devel dell gole dran o bolepen, oun moukell peskri zoreli gole te shounell dran peskro bolepaskro kheer. Yob dell bares gole har i levo, oun vell shounlo an peskro tselo them; Yob dell gole har ko morsh, kay stakrell ap peskre drake, te vell i mool vin. Leskri gole vell shounlo ap i tseli phoub.

Hosea 11:10

Palle djan le o baro Debleske palla, oun yob dell gole har i levo, ava, yob dell gole har i levo, oun leskre čave venn trisslepah pash leste foun kotar, kay o kham tele djal.

Amos 1:2

O Amos penas: O baro Devel dell bari gole i berga Sion pral tele. Leskri gole hi har i gole, hoy i levo della, oun vell shounlo dran Yerusalem. O bakrengro them vell trouk, oun o khass ap i berga Karmel vell djelto.

Nahum 1:2

O baro Devel hi i Devel, kay kamell, te mangenn i menshe kek vavar debles an har les kokres. Leskri rholi vell pral kolende, kay hadenn pen pral leste. Kolen, kay kamenn lestar či te djinell, dell yob i phagi. Oun bistrell gar, hoy yon ap leste kran.

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.