Jesaja 41:5 - O Debleskro Lab 2024 (Sinte-Manouche)

⁵ Kolla, kay djivenn an dour themma, dikan, hoy krom, oun daran. I tsele menshe ap i phoub trissan i daryatar. Yon kran pen ap o drom oun van khetne.

O Debleskro Drom 2021 (Sinte)

⁵ Kolla, kai djiwenn an dur themma, dikan, hoi krom, un daran. I tsele menshe ap i phub trissan i darjatar. Jon kran pen ap o drom un wan khetne.

Jesaja 41:5 ပူးပေါင်းရင်းမြစ်များ

1. Mose 10:5

Kolendar venna i menshe, kay djivenna an i themma pash o baro pani. Kolla hi i čave o Yafetestar pengre menshentsa. Lendar van bare familye. Hakeni rakras peskro rakepen oun djivas an peskro them.

Debleskri gili 65:8

Tou peneh ap o divyo pani: “Mouk tele”, oun ap o pani, hoy dour pre djal: “Čip tout”, oun ap koy divyi gole, hoy i menshe an vavar themma krenna: “Ač kanna!”

Debleskri gili 65:9

Oun i menshenge ap i tseli phoub ačell o rakepen krik glan ko baro koova, hoy tou kral. Kotar, kay o kham pre djal bis kote, kay lo tele djal, moukeh tou halauteren te sal oun barhteles te vell.

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Debleskri gili 67:7

I phoub moukas lačo rhapen bares te vell; o Devel, maro Devel das men barht.

2. Mose 15:14

An i vavar themma i menshe shounan, hoy tou tire menshenge kral. I daar tapras len oun yon trissan, ninna kol menshen, kay an o them Filistia djivan.

Jesaja 41:1

O Devel penell ap i menshende an dour themma: Ačenn, oun shounenn ap mande! Ava, ap kolende an vavar themma penell lo: Lenn t'men khetne oun avenn pash mande! Palle nay rakrenn. Moukenn men khetne o čačepen vin te krell!

Jesaja 41:6

Yek rikrell pash o vavareste, oun penell ap peskro phraleste: Ab zoreles!

Ezekiel 26:18

Kolla, kay djivenn ap i tikne themma hoy an o baro pani čiddo hi, trissenn kanna ap kava dives, kay tou khetne peral. Har bango hi le i trashatar, kay tou tele djal!

Josua 2:10

Mer shounam, har kras o baro Devel t'menge i drom an o baro pani, hoy kharella Baro Lolo Pani, har djan dran o them Egiptia vin. Shounam ninna, hoy kran t'mer kol douy bare rayentsa pral i Amorarya, o Sihon oun o Og, hoy ap i vavar rig o panyestar Yordan his. T'mer maran len oun kran halauter paash, hoy lenge his.

Josua 5:1

Oun i tsele bare raya pral i Amorarya, kay ap koy rig o panyestar Yordan djivan, kay o kham tele djal, ninna i tsele bare raya pral i Kanaanitarya, kay pash o Baro Pani djivan, kolla halauter shounan, har las o baro Devel o pani dran o Yordan krik glan i Israelitarya, bis te yon halauter ap i vavar rig his. Oun har yon kova shounan, vas bari traash ap lende, oun an kekeste ačas i zoor te djal lo pre ap i Israelitarya.