Jesaja 41:29 - O Debleskro Lab 2024 (Sinte-Manouche)

²⁹ Yon halauter hi rhorhene, oun nay krenn či. Oun i figure lendar hi gar boudeder moldo har i dourho.

O Debleskro Drom 2021 (Sinte)

²⁹ Jon halauter hi chochene, un nai krenn tchi. Un i figure lendar hi gar budeder moldo har i ducho.

Jesaja 41:29 ပူးပေါင်းရင်းမြစ်များ

Debleskri gili 96:5

I debla i vavar menshendar hi rhorhene debla. O baro Devel hi kova, kay o bolepen kras.

Jesaja 17:8

Oun yon dikenn bouder gar ap kol moule deblen, hoy yon pengre vastentsa oun goushtentsa kran, – kol figuren, hoy sikrenn i debletsa Ashera, oun kol boba, kay lake soungepaskro koova rhačedo vell.

Jesaja 2:8

Ninna hi o them pherde rhorhene deblen, oun yon vitsrenn pen tele glan kolende, kolen yon pengre vastentsa kran.

Jesaja 37:19

Oun kolengre debla vitsran le an i yag. Kolla his kek čače debla, van kerdo i menshengre vastentsa dran kasht oun bar. Doleske van le khetne dino.

Jesaja 41:24

Djinenn, kova nay krenn le gar! Kol debla hi či-moldo oun nay krenn či. Koon len peske vin rodell, krell i pale-čiddo koova glan o Debleste.

Jesaja 46:7

Yon hadenn les ap pengri phik, oun hidjrenn les trouyel, oun čivenn les pale pale ap leskri platsa. Oun kote hi lo tardo, oun djal foun kokres gar doureder. Dell yek gole ap leste, rakrell lo gar pale, krell peskro mouy gar pre, oun djal gar koy, te lell lo les vin dran i bibarht.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Jeremia 5:13

O Debleskre rakepangre rakrenn, hoy či moldo hi. Hoy yon penan, vell gar o Deblestar. Mou perell ap lende, hoy le penan.

Habakuk 2:18

Hoy vell touke palle ap i rig? I figura dran kasht oun saster, hoy i morsh peskre vastentsa kras? Kova hi rhorhepen! Har nay patsell yek ap i devel, hoy nay rakrell gar, oun koles yob peskre vastentsa kras?

Zakarie 10:2

Ma poučenn i khereskre deblen! Kova, hoy yon rakrenn, hi dinelo koova. Ma djan pash i dourkepangre! Kova, hoy yon glan-vi penenna, hi rhorhepen. Lengre sounya hi či moldo. Lengre lače laba hi gar čačo. Doleske nashrenn pen i menshe har bakre, kolen kek bakrengro hi, oun kay merenna.

1. Samuel 12:21

Ma nashenn kol rhorhene deblenge palla, hoy či molenna, oun hoy t'men gar vin nay lenna dran o merepen. Yon hi či.