Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jesaja 41:18 - O Debleskro Lab 2024 (Sinte-Manouche)

18 Me moukau pani i berge tele te nashell, oun pani dran i phoub te vell an o telstouno them. Me krau o moulo them te vell lestar i them, kay panya nashenna, oun dran ko trouk them krau i panyeskro them.

အခန်းကိုကြည့်ပါ။ ကော်ပီ

O Debleskro Drom 2021 (Sinte)

18 Me mukau pani i berge tele te nashell, un pani dran i phub te well an o telstuno them. Me krau o mulo them te well lestar i them, kai panja nashenna, un dran ko truk them krau i panjeskro them.

အခန်းကိုကြည့်ပါ။ ကော်ပီ




Jesaja 41:18
24 ပူးပေါင်းရင်းမြစ်များ  

An o telstouno them moukeh tou tikne panya dran i phoub te vell, te nashenn le mank i berge.


Yob phagas i baro bar, oun pani nashas vin, oun nashas an o moulo them har i lengsto baro pani.


Oun pale moukas lo an o moulo them boud pani te nashell, oun dran i trouk phoub pani te vell.


Baro Devel, an pale lauteren mendar, kay pandle hi, yaake har tou aneh kol tikne panya pale, an o them, kay o kham pralstounes hi.


ninna te vals o baro pani divyo oun rhoyedo, oun djals savi zoryah pre, te perenn i berge khetne.


Ap ko tsiro, kay lell t'men o Devel vin, venn t'mer yaake barhtelo har troushele menshe barhtelo hi, te hatsenn le pani.


Oun an ko tsiro, kay o baro marepen hi, oun i zorele khera khetne phagenn, nashenn panya, tikne oun bare, o pralstouno themestar oun ap haki berga tele.


Oun hakeno lendar hi har i kheer, kay yek nay khatrell pes glan i baro phourdepen, oun glan i baro zorelo brishin. Ava, yon hi har i panya an i moulo them, oun har i baro bar pal koleste yek pes khatrell, te rhačell o kham tele an i tato them.


Kote hi o baro Devel zoreles pash mende. Yob hi maro čačepaskro ray, oun kova, kay menge glan djal, ava, maro baro ray, kay men dran o merepen vin lell. Oun o foro hi čiddo pash bourhle lengste panya. Oun kek bero oulerell ap lende. Oun kek kourepaskro shiffo oulerell ap lende trouyel.


Barhteles vell ko them, hoy kanna tato oun moulo hi. Oun o divyo trouk them sal, oun lauter an leste djivell pre oun anell bloume vin.


Me čorau pani ap o them, koles troush hi, oun lengste panya nashenn an o trouk them. Miro dourho čorau ap kolende, kay toutar venna, oun miro lačepen ap tire čavende.


O baro Devel anas len ap o drom an o moulo them, oun yon troushan gar. Dran i baro bar moukas lo lenge pani te vell. Yob phagas ko bar an douy kotya, oun moukas dran leste pani te nashell.


Oun hako tsireske sikrell tout o baro Devel tiro drom. Ninna te djiveh an o moulo tato them, dell lo tout doha djipaske, oun dell tout nevi zoor. Palle hal tou har i baar, kolat hako tsiro doha pani hi, ava, har i pani, hoy dran i phoub pre djal, oun koleskro pani hako tsiro nashell.


Doleske penell o baro Devel, maro ray: An ko tsiro, kay t'mer bokenn, hi mire boudepangren rhapaske. An ko tsiro, kay t'mer troushenn, hi mire boudepangren doha te piyell. An ko tsiro, kay han an i ladj, hi mire boudepangre an i barht.


An ko tsiro nashenn djide panya dran o foro Yerusalem vin. Ko yek paash nashell an o baro pani, hoy kote hi, kay o kham pre djal. Ko vavar paash nashell an o baro pani, hoy kote hi, kay o kham tele djal. Ko pani nashell an i niyal har an o vend.


Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.


O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.


Kote phagas o Devel o baro bar pash o foro Lehi, oun dran kotar vas pani. Oun yob piyas, oun leskri zoor vas pale, oun yob vas pale pherdo djipen. Doleske dan le ko pani, hoy kote dran i phoub vas, o lab: Pani kolestar, kay gole das. Ninna gomme kava dives hi kava pani kote pash o foro Lehi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ