Jesaja 41:14 - O Debleskro Lab 2024 (Sinte-Manouche)

¹⁴ Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

O Debleskro Drom 2021 (Sinte)

¹⁴ Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Jesaja 41:14 ပူးပေါင်းရင်းမြစ်များ

Hiob 19:25

Me djinau, te djivell o Devel, kova, kay miro koova an peskro vast lell. Oun an o tsillo, kay o čačepen vin rakedo vell pral kay phoub, hi yob miro rakepaskro.

Hiob 25:6

Te dikell lo ap i mensheste, hi kova glan leste gar boudeder har i kiri oun i kirmo!

Debleskri gili 19:14

Mouk man gar khetne kolentsa te djal, kay hi pre-phourde, te tserdenn le man gar ap lengri rig. Yaake vell kek doosh ap mande, oun me krau kek baro čilačo koova.

Debleskri gili 22:6

Ap toute dan le gole, oun tou lal len vin. Ap toute dikan le, oun tou moukal len gar kokres.

Debleskri gili 46:5

Lačo djoudjo pani nashella an o Debleskro foro, kay o Devel pral halauter djivell oun leskro kheer hi, Ko pani krell ko fores barhtelo.

Debleskri gili 78:35

Oun lenge vas an o shero, te hi o Devel kova, kay rikrell len, oun kay yob, o Devel pral halauter, kova hi, kay len vin lell dran o merepen.

Jesaja 35:10

Kolen, kay yob dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 37:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 43:14

O Israeleskro Devel hi o baro Devel, kay t'men dran o pandepen vin lell, oun penell: T'menge, kay an o them Babilonia han, bičrom yekes koy, te anell lo t'men, kay pandle han, vin. Oun kol Babilonarya, kay kanna i barhteli gole denn, rovenna palle.

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Jesaja 44:24

Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Jesaja 47:4

Kova penell o Israeleskro Devel, kay kokres ko čačo Devel hi, oun kay lell o koova peskre menshendar an peskro vast. Leskro lab hi baro Devel, ray pral o bolepen oun i phoub.

Jesaja 48:17

O baro Devel, kova, kay tout, Israel, vin las dran o pandepen, yob, o čačo Devel, hi o Israeleskro Devel oun penell: Me, o baro Devel, hom tiro Devel, kova, kay toute sikrell, hoy touke mishto hi, oun ap havo drom tou hounte djas.

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 54:8

Har miri rholi pral keras, rissrom me man toutar tele i tikno tsireske. Miro lačepen touke herell gar pre. Doleske krau miro dji touke bares pre, penell o baro Devel, kova kay tout dran o pandepen vin lell.

Jesaja 59:20

O baro Devel penell: Mire menshenge an o foro Sion vau, te lap len dran o merepen vin. Kolenge dran o kheer Yakob vau, kay moukan pengro čilačo drom.

Jesaja 60:16

Tou leh o bravlepen i menshendar dran vavar themma oun kouč koova lengre rayendar. Palle hayveh, te hom me, o baro Devel, kova, kay las tout vin dran o pandepen, te hom me, o Israeleskro zorelo Devel, kova, kay touke playsras.

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Jeremia 46:27

Tou, miro boudepaskro Yakob, ma traash! Tou, Israel, ma rob! I dives vell, kay anau tout khere dran vavar themma. Lau tire čaven vin dran ko them, kay le pandles anlo van. O Yakobeskre čave venn pale, oun nay djivenn pale kek kourepah oun kek daryah. Kek te krell lenge traash.

Jeremia 50:34

O dives vell, kay lau len kote vin, me hom zorelo. Me, o baro Devel, ko ray pral o bolepen oun i phoub, lau lengro koova an miro vast, oun lau o kourepen krik i phoubyatar, Pral i menshende an o them Babilonia anau traash.

Ropaskre gilja 3:57

Har kharom tout golyah, val tou pash mande, oun penal: “Ma traash bouder gar!”

Daniel 10:12

Oun yob penas ap mande: “Daniel, ma dare! O Devel shounas tire laba foun o ersto dives an, har kamal tiro tselo djiyeha o dikepen te hayvell, oun tout tiknes kral glan tiro Debleste. Oun kol labenge, hoy tou rakral, vom me.

Hosea 11:9

Me kamau gar yaake te krell, har mange les miri tati rholi penella. Oun kamau gar te dap o Efrayimes pale pre. Me hom o Devel, oun kek mensho. Me, ko yek čačo Devel, hom mank t'mende, oun vau gar, te marap t'men.

Mateo 7:14

Tikno hi ko voudar oun gar bourhlo hi ko drom, kay i menshe hatsenn o djipen. Oun gar boud hi kolla, kay ap ko drom djana.

Louka 12:32

Ma darenn! Kate han t'mer gar boud oun gar an-diklo. O Devel, kay hi t'maro dad an o bolepen, kova kamella, te lenn t'mer leskro bravlepen oun raylepen.

Remarja 9:27

Pral i Israelitarya rakras o Debleskro rakepaskro, o Yesaya, kol laba: Ninna te vans i Israelitarya yaake boud har i tikne barra pash o baro pani, kol boudendar ačella yek vast pherdo pral, oun vell dran o Debleskri rholi vin.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.

5. Mose 7:7

Kova kras lo gar doleske, kay hans boudeder har kol vavar. Na-a, t'mer han i tikneder natsyona har kol vavar.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Josua 17:18

Kol berge, kay o veesh hi, venn t'menge, yaake dour har o veesh hi. T'mer nay denn i rouka tele, oun nay djivenn koy. Oun ninna i Kanaanitaryen nay tradenn vin dran o them. T'mer venn zorleder har yon, ninna te hi len sasterne kourepangre vourdya.”

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.