Jesaja 41:12 - O Debleskro Lab 2024 (Sinte-Manouche)

¹² Tou rodeh len palle, oun nay hatseh len gar. Kol morsha, kay pen touha čingrenn, har či hi le. Oun har vans le gar koy, venn kol morsha, kay kouran pen touha.

O Debleskro Drom 2021 (Sinte)

¹² Tu rodeh len palle, un nai hatseh len gar. Kol mursha, kai pen tuha tchingrenn, har tchi hi le. Un har wans le gar koi, wenn kol mursha, kai kuran pen tuha.

Jesaja 41:12 ပူးပေါင်းရင်းမြစ်များ

Jesaja 17:14

Ap i rati krenn le i menshen bari traash. Oun glan o nevo dives vella, hi le gar bouder koy. Yaake djal kolenge, kay kamenn men vin te randell. oun kamenn menge kova te čorell, hoy menge hi.

Jesaja 29:8

Yek, kay bokella, dell souni, te rhal lo. Oun te krell lo peskre yaka pre, hi les gomme bok. Oun yek, kay troushella, dell souni, te piyell lo. Oun te krell lo peskre yaka pre, hi les troush, oun leskro mouy hi trouk. Yaake djal kol menshenge dran i tsele themma, kay djan an o kourepen i bergah Sion.

Jesaja 34:12

Kek an-dikle morsha hi bouder koy, kolendar yek lengro ray nay vals. I tsele pralstoune hi bouder gar.

Jesaja 49:25

Kava hi kova, hoy vell, penell o baro Devel: Ninna ko zorelo morsheske venn leskre pandlen krik lino. Oun kolen, hoy ko zorelo ray randas, venn leske krik tserdedo. Kolla, kay kourenn pen touha, kolentsa kourau me man, oun tire čaven lau dran lengre vasta vin.

Zefanja 3:19

O tsiro vella, kay dau i phagi halauterenge, kay t'men tele rikran, oun vau kolenge t'mendar ap i rig, kay doukedo hi. Oun anau kolen khere, kay vin tradedo van. Oun krau, te venn le sharedo oun hadedo an i tsele themma, kay i menshe rikrenn kanna či lendar.