Jesaja 40:5 - O Debleskro Lab 2024 (Sinte-Manouche)

⁵ O baro Debleskro raylepen vell diklo. Oun i tsele menshe dikenn les. Kova penas o baro Devel.”

O Debleskro Drom 2021 (Sinte)

⁵ O baro Debleskro railepen well diklo. Un i tsele menshe dikenn les. Kowa penas o baro Dewel.”

Jesaja 40:5 ပူးပေါင်းရင်းမြစ်များ

1. Rajengro liil 14:11

Kova, kay o Yerobeameskre menshendar hi, oun merell an kava foro, koles rhan i djoukle ap o drom pre. Oun kova, kay merell glan o foro, koles rhan i čirkle. Kova penas o baro Devel.”

Debleskri gili 102:16

I menshe an i tsele themma trashenn palle glan toute, o baro Debleste. Oun i tsele bare raya ap kay phoub vitsrenn pen tele glan tiro raylepen.

Debleskri gili 102:17

O baro Devel čivell o foro Sion pale pre, oun moukell pes te dikell an peskro raylepen.

Debleskri gili 72:19

Sharas leskro baro raylo lab hako tsiro! Leskro raylepen mou vell diklo an i tsele themma! Amen, yaake te vell kova!

Debleskri gili 96:6

Yob hi bareder har hako vavar. Shoukapen hi troul leste, Leskri zoor oun leskro raylepen venn diklo an leskro kheer.

Debleskri gili 97:6

O bolepen sikrell leskro čačepen, oun leskro raylepen dikenn i tsele menshe.

2. Mose 16:7

Oun taysarlakro dikenn t'mer o raylepen o baro Deblestar. Yob shounas, har t'mer t'men ap leste rhoyran. Har rhoyran t'men ap mende, rhoyran t'men čačepah ap leste, gar ap mende. Hoy ham mer, te rhoyrenn t'men ap mende?”

Jesaja 1:20

Kamenn t'mer gar te shounell, oun pandenn t'mare djia glan mande, palle venn o rhareha moulo dino. Kova penau me, o baro Devel!”

Jesaja 11:9

Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Jesaja 26:15

Baro Devel, tou moukal tire menshen boud te vell, mer vam i bari natsyona. Oun maro them kral bareder oun bourhleder. Yaake sikral tiro barepen oun tiri zoor.

Jesaja 34:16

Rodenn kanna an o liil o baro Deblestar oun draverenn, hoy kote činlo hi: Kal tsele firhendar oun čirklendar hi koy. Kek lendar hi kek romyah. Yaake penas o baro Devel, oun leskro dourho anas len khetne.

Jesaja 35:2

Shoukar har divye bloume vell o them, oun givell oun dell gole i barhtyatar. O baro Devel krell les raylo har i berge Libanon, oun shoukar har i berga Karmel oun i tala Sharon. Oun i menshe dikenn o raylepen o baro Deblestar, ko baro koova, hoy maro Devel kras.

Jesaja 40:4

Krenn, te vell haki berga tikneder! Oun hadenn ko them, hoy mank i berge čiddo hi! O bango drom te vell bouder gar bango! Oun o djoungelo drom te vell mishto kerdo.

Jesaja 41:20

Kova vell yaake, te dikenn i menshe oun hayvenn, oun dikenn dren oun djinenn: Dran i zoor o baro Deblestar vas kova yaake. Ava, o Israeleskro čačo Devel kras kava halauter.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jesaja 58:14

palle hatseh čači barht an o baro Debleste. Oun me, o baro Devel, hadau tout pral i pralstoune berge. Oun dau tout ko them, hoy dom tiro phouro dadeste, o Yakobeste. Kava hi, hoy o baro Devel penas.

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Jesaja 60:1

Ste pre, Yerusalem, ab raylo har o kham! I nevo dives vell touke, oun o Debleskro raylepen djal pre pral toute.

Jesaja 66:16

I yagah oun peskro rhareha krell o baro Devel o čačepen vin pral i tsele menshende, oun boud lendar venn yaake maredo.

Jesaja 66:18

Me djinau kova, hoy yon kran, oun kova, hoy an lengre sherya glan djas. Oun me vau, te lap i menshen khetne dran i tsele themma oun dran hako rakepen. Oun yon venna oun dikenn miro raylepen.

Jesaja 66:23

Oun hako čon, ap ko dives, kay vell o nevo čon diklo, oun hako kourko ap o Debleskro dives, venna menshe dran hake themma glan mande, te vitsrenn le pen glan mande tele, penell o baro Devel.

Jeremia 32:27

Dik, me, o baro Devel, hom o Devel pral i tsele menshende. Dell čomone ap i phoub, hoy nay krau gar?

Jeremia 9:12

O baro Devel penell koy pre: Me sikrom len miro drom, oun yon moukan les, oun shounan gar ap mire laba, oun djivan gar koy pal.

Micha 4:4

Hakeno nay beshell tel peskre drakengre rouka oun faygetikre rouka. Oun kek krell leske traash. Kava penell o baro Devel, ko ray pral o bolepen oun i phoub.

Habakuk 2:14

Yaake har o baro pani pherdo pani hi, vell i tseli phoub pherde menshe, kay djinenn, har raylo o baro Devel hi.

Zakarie 2:13

Denn garda! Me dau len trad miro vasteha, te venn le čoredo kolendar, kay hounte boudran lenge.” Palle dikenn t'mer, kay o baro Devel, ko ray pral o bolepen oun i phoub, kova hi, kay bičras man.

Louka 2:32

Yob hi har i momeli, te sikrell lo kolen tiro drom, kay prindjrenn tout gar. Koleske sharenn yon i menshen an Israel.”

Louka 3:6

Palle dikell hakeno, har o Devel i menshen dran o čilačepen vin lella.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 12:41

Glan i rah tsiro dikas o Yesaya o Yezouseskro raylepen oun rakras lestar. Doleske penas yob kova glan-vi.

Johanni 17:2

Tou dal les i zoor pral i tsele menshende, te dell yob lauteren, kay tou les dal, o djipen, hoy gar pre-herella.

Bičepangre 2:17

Ko tsiro vella, penell o Devel, kay me čivau miro Debleskro Dourho ap i tsele menshende. Oun t'mare čave oun ča dikenn nay glan-vi, hoy vella. Oun i terne morsha dikenn kova, hoy o Devel len sikrell, oun i phoure morsha denn souni.

2. Korintarja 3:18

Mer lauter, kay patslo ham, dikah o Debleskro raylepen yaake mishto, har te dikah an i dikepaskri. Kek diklo hi ap mare yaka čiddo. Oun har mer dikah ap leste, vah mer boud oun boudeder yaake, har yob hi. Kova krell o Debleskro Dourho an mende.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.