Jesaja 40:30 - O Debleskro Lab 2024 (Sinte-Manouche)

³⁰ Ninna terne menshe venn khino oun nashrenn pengri i zoor, oun terne kourepangre perenn, te hi len kek zoor bouder.

O Debleskro Drom 2021 (Sinte)

³⁰ Ninna terne menshe wenn khino un nashrenn pengri i soor, un terne kurepangre perenn, te hi len kek soor buder.

Jesaja 40:30 ပူးပေါင်းရင်းမြစ်များ

Debleskri gili 33:16

I baro ray boud lourdentsa vell gar dran peskri zoor o zorleder an o kourepen. Oun i čačo morsh, koles boud zoor hi, vell gar dran peskri zoor vin lino dran o kourepen.

Debleskri gili 34:10

T'mer, kay o baro Debleskre menshe han, djivenn leha! Kolen, kay djivenn leha, hi lauter o djipaske.

Debleskri gili 39:5

Baro Devel, sike mande, har sik o djipen trouyel hi, oun kay miro merepen vella, te djinap, te nay ačau gar hako tsiro kay.

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.

Jesaja 13:18

I terne morshen denn le karye moulo pengre bogentsa. Oun len hi kek dji i tikne čavenge; i čave khaytenn len gar.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Jeremia 48:15

O them Moab vell paash dino, oun leskre forya venn dren lino. Leskre feteder lourde djan vin, te kourenn le pen, oun venn maredo. Kova penell o baro ray, kay kharell baro Devel, ko ray pral o bolepen oun i phoub.

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Jeremia 9:21

O baro Devel penell: Kol moule menshe ačenn čiddo har foul ap i harhetikri phoub, har o djob, hoy činlo vas, oun čiddo ačas pal o činepaskro, oun kek las les khetne.

Amos 2:14

Ninna kolla, kay nashenn nay sik, nay nashenn gar penge. Zorele morsha nashrenn pengri zoor. Oun kourepangre ačenn gar djido.