Jesaja 40:24 - O Debleskro Lab 2024 (Sinte-Manouche)

²⁴ Yon hi har djoba, hoy an i phoub vitsedo hi. Yaake sik har i drab lendar vin djal, phourdell i dourho pral lende, te venn le trouk. Oun i baro phourdepen phourdell len krik har phouss.

O Debleskro Drom 2021 (Sinte)

²⁴ Jon hi har djoba, hoi an i phub witsedo hi. Jaake sik har i drab lendar win djal, phurdell i ducho pral lende, te wenn le truk. Un i baro phurdepen phurdell len krik har phuss.

Jesaja 40:24 ပူးပေါင်းရင်းမြစ်များ

2. Samuel 22:16

Kote vas o telstunepen tel i panya diklo, oun i telstouni phoub vas pre-čakedo, har tou, baro Devel, čingral oun trad dal an tiri rholi.

2. Rajengro liil 10:11

Palle das o Yehou lauteren moulo, kay ačan pral dran o Ahabeskri familya an Yesreel: kol tsele pralstunen, kol vavaren leskre menshendar oun leskre rashaya. Kek lendar ačas djido.

Hiob 21:18

oun phourdas les krik, har phourdell i dourho o phouss krik, oun har hidjrell i zorelo phourdepen o čik krik.

Hiob 4:9

O Devel phourdell ap lende, oun yon merenn. Leskri rholyakro dourho marell len.

Hiob 8:17

Leskre draba tserdenn pen pral barra, oun rikrenn pen zoreles ap lende.

Debleskri gili 58:9

Yaake har i momeli tele rhačrell, oun bouder gar koy hi, oun yaake har i ternepen, hoy moulo boldo vell oun o kham gar dikas, yaake te ačenn yon vitar gar.

Debleskri gili 83:13

Kolla penan: “Mer kamah o Debleskro them menge te lell.”

Gosewe laba 1:27

oun vell pral t'mende har i zorelo baro dourho; te vell i bibarht pral t'mende har i phourdepen, hoy lauter khetne phagell; te vell i pharo tsiro oun bari daar pral t'mende.

Jesaja 11:4

Na-a, yob dell i čorvelende pengro čačepen, oun vell kolenge ap i rig, kay gar an-dikle hi, te lenn yon pengro čačepen. Penell lo i zorelo lab, palle lenn i marepangre pengri phagi. Les hi i zoor, te penell ap o čilačeste: “Tou hounte meress!”

Jesaja 17:11

hoy sik pre djan oun zenelo van, venn ap lende kek neve drake bares. Oun tou nay aneh či dren. Kova, hoy touke vell, hi nasslepen oun douka, hoy kek nay krik lell.

Jesaja 17:13

Ava, har bare divye panya venn le sik. Koy čingrell o Devel ap lende, oun yon nashenn penge, oun venn tradedo har o phouss, hoy phourdell i zorelo dourho pral o them, oun har patria, hoy phourdell lo trouyel.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jesaja 37:7

Me krau, te penell yek čomone ap o baro rayeste, hoy les tradell, te djal lo pale an peskro them. Oun kote krau, te vell lo maredo o rhareha.”

Jesaja 40:7

Te phourdell o baro Devel pral lende, vell o khass djelto, oun i blouma perell tele. Čačepah, i menshe hi har khass!

Jesaja 41:16

Tou vitsreh len pre, oun i dourho hidjrell len krik, oun i phourdepen phourdell len kate te kote. Palle veh barhtelo pral tiro baro Debleste, oun shareh tout tiro Debleha, kay o Israeleskro čačo Devel hi.

Jesaja 41:2

Koon das i rayes gole, te vell lo foun kotar, kay o kham pre djal? Ko ray hi zorleder har i vavar, kay lo ninna djal. O Devel dell leste i vavar themma tel leskre herya, oun krell, te perenn lengre bare raya glan leste tele. Oun leskro rharo tradell len krik har patria. Oun glan leskro bogo hi le har phouss, hoy i dourho krik phourdell.

Jeremia 22:30

Kova penell o baro Devel: An ko liil, kay o bare rayengre laba dren činlo venna, činenn kava morsheskro lab yaake, har te vals yob kek čaventsa, oun koleske či mishto djas an peskro tselo djipen. Kek leskre čavendar vell baro ray pral o them Youda oun beshdo ap o Davideskri beshepaskri.

Jeremia 23:19

Shounenn: O baro Debleskri rholi vell yaake pral t'mende, har i baro dourho pral i phoub phourdell. I zorelo phourdepen djal tele ap i sherya i čilačendar.

Hosea 13:15

Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.

Hosea 13:3

Doleske hi le har i folka, hoy taysarlakro sik krik djal, oun har ko pani, hoy ap o zenlepen hi, oun sik bouder gar koy hi. Ava, har o phouss hi le, hoy vell dran i platsa vin phourdedo, kay o djob vin dino vas, oun har i yagakro dourho, hoy tserdell dran i vorhni vin.

Nahum 1:14

Ap i menshende an o them Assour penell o baro Devel: Kek čave venn t'men, kay t'mare familyengre laba doureder hidjrenn. Dran i khera t'mare deblendar vitsrau i tsele figure vin. Me krau t'menge i grufta, t'maro djipen his čičeske.

Haggai 1:9

T'mer kamenn boud, oun gar boud hi, hoy lenn t'mer. Oun te kamenn kova khere te anell, lau les t'mendar. Hoske kova? penell o baro Devel, ko ray pral o bolepen oun i phoub. Miro kheer hi paash dino oun čiddo an kotya. Oun hakeno t'mendar dikell kokres ap peskro kheer.

Zakarie 7:14

Doleske tradom len an vavar themma, hoy prindjran le gar. Oun lengro them vas mouklo. Kek boudras oun djivas bouder gar koy. Yaake kran le dran kava lačo them i moulo them.

Zakarie 9:14

O baro Devel moukell pes te dikell pral peskre menshende, [te rikrell lo peskre vasta pral lende]. Leskro faylo djal sik har o bolepaskri yag. O baro Devel, maro ray, moukell an i bari phourdepaskri te phourdell. Yob djal an o zorelo dourho, hoy vell kotar, kay o kham pralstounes tardo hi.