Jesaja 40:23 - O Debleskro Lab 2024 (Sinte-Manouche)

²³ Yob krell, te vell i pralstunen bouder či penepaske, oun i rayenge pral i phoub lell lo lengri zoor krik.

O Debleskro Drom 2021 (Sinte)

²³ Job krell, te well i pralstunen buder tchi penepaske, un i rajenge pral i phub lell lo lengri soor krik.

Jesaja 40:23 ပူးပေါင်းရင်းမြစ်များ

Hiob 12:19

I rashayenge lell lo lengre rashayengre ripya krik, oun i zorelenge lengri zoor pral i vavarende.

Hiob 12:21

Bari ladj anell lo ap i an-dikle pralstunende. Oun i zorelendar lell lo lengro kourepaskro koova krik.

Debleskri gili 107:40

Koy moukas lo ladj ap lengre raya te perell, oun yon hounte nashan an o moulo them trouyel, kote kay kek drom hi.

Debleskri gili 76:12

Denn t'men sovel, te denn čomone o baro Debleste, kay t'maro Devel hi. Oun rikrenn t'mari sovel! Anenn leske kouč koova, t'mer dran i tsele themma, kay troul leste hi. Yob hi kova, kolestar hakeno darella.

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Jesaja 23:9

O baro Devel, ko ray pral o bolepen oun i phoub penas, te vell kova yaake. Yob kamas lenge ko tselo raylepen krik te lell, koleha yon pen yaake bares kran, oun kamas i an-dikle morshen ap i phoub tiknes te krell.

Jesaja 34:12

Kek an-dikle morsha hi bouder koy, kolendar yek lengro ray nay vals. I tsele pralstoune hi bouder gar.

Jesaja 5:21

Djungeles djal kolenge, kay an pengre yaka kokres gosevo hi, oun pash pende kokres krenn, har te hayvenn le halauter.

Amos 2:3

Me marau lengro baro rayes oun i lengre tsele pralstunen, penell o baro Devel.