Jesaja 40:22 - O Debleskro Lab 2024 (Sinte-Manouche)

²² Yob hi kova, kay hi o ray pral i tseli phoub. Oun kolla, kay ap i phoub djivenn, hi glan leste har stepangre. Yob hi kova, kay čivas o bolepen pral i phoub har i bourhli plarhta, har te krell yek i plarhteno kheer, te nay djivell lo dren.

O Debleskro Drom 2021 (Sinte)

²² Job hi kowa, kai hi o rai pral i tseli phub. Un kolla, kai ap i phub djiwenn, hi glan leste har stepangre. Job hi kowa, kai tchiwas o bolepen pral i phub har i buchli plachta, har te krell jek i plachteno kheer, te nai djiwell lo dren.

Jesaja 40:22 ပူးပေါင်းရင်းမြစ်များ

1. Mose 1:6

Oun o Devel penas, te vell o bolepen, oun pani koy pral oun pani koy tel. Oun yaake vas kova.

Hiob 22:14

Yob nashell kote, kay o bolepen oun i phoub khetne venn, oun pesse volke hi troul leste, yaake te nay dikell lo či.”

Hiob 26:7

O Devel kras o bolepen bourhles pral kova, kay či hi, oun pandas i phoub kote pre, kay či hi.

Hiob 36:29

Yaake dell lo lenge boudeder har doha te rhal. Kek nay hayvell, har o Devel i volken ap o bolepen čivas, oun har vell koy bari gole dran leskro bolepaskro kheer, te dell i yag ap o bolepen karye troul leste trouyel. O telstunepen o baro panyestar ačell an o tamlepen.

Hiob 37:18

nay kreh tou o bolepen bourhles pral i phoub, har yob kova kras, te vell o bolepen zoreles har i dikepaskri?

Hiob 9:8

Yob kokres kras o bolepen bourhles pral i phoub, oun djal pral o baro pani.

Debleskri gili 104:2

Har i baya čival i bari momeli troul toute. Tou tserdal o bolepen bourhlo har i bari plarhta,

Debleskri gili 18:11

Oun yob beshas ap i keroub oun hadas pes har i čirklo; ava, yob moukas pes te hidjrell ap i moussya o dourhestar.

Debleskri gili 19:4

Kek labentsa rakrenn le. Oun lengri gole vell gar shounlo.

Debleskri gili 2:4

O Devel, kay an o bolepen beshdo hi, sal pral lende oun lengro dinelo rakepen.

Debleskri gili 29:10

O baro Devel hi beshdo pral i panya. O baro Devel hi o baro ray hako tsireske.

Debleskri gili 68:33

T'mer themma ap kay phoub, givenn o Debleske, bashrenn leske, maro rayeske!

Gosewe laba 8:27

Me homs pashel, har kras lo o bolepen oun koy platsa, kay dikell vin, har te vans o bolepen oun o baro pani kote khetne.

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Jesaja 37:16

“Baro Devel, tou ray pral o bolepen oun i phoub, tou hal o Israeleskro Devel, oun hal pral i bolepangre beshdo. Tou kokres hal o Devel pral i tsele themma ap kay phoub. Tou kral o bolepen oun i phoub.

Jesaja 40:15

Dik, i menshe dran vavar themma hi leske gar boudeder moldo har o pani, hoy ap o khoro tele nashell, oun har i stauba, hoy ap i vaga čiddo ačas. Dik, i tikne themma an o baro pani hidjrell lo pre, har te vans le i vast pherdo čik.

Jesaja 40:17

I tsele themma hi har či glan leste, oun hi leske či moldo yaake har te vans le gar.

Jesaja 42:4

Leske kokres djal gar i zoor krik, oun yob phagell vitar gar khetne, bis te kras lo, te djivenn i menshe ap i tseli phoub pal o čačepen. Oun i menshe an dour themma dikenn ap leste, te sikrell lo len peskro drom.

Jesaja 42:5

O baro Devel hi maro ray, kova, kay o bolepen kras, oun har i plarhta bourhles kras. Ninna i phoub kras lo, oun lauter hoy li vin anell. Oun i menshen ap late dell lo o dourho, oun djipen kolende, kay ap late djivenn. Yob penell:

Jesaja 44:24

Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Jeremia 10:12

Yob, o baro Devel, kras i phoub peskri zoryah. Dran peskro gosvepen čivas lo i phoub zoreles tardo, oun kras o bolepen koy pral.

Zakarie 12:1

Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.

4. Mose 13:33

Mer dikam kote ninna i Nefilim, kay hi bare menshe. Lengro phouro dad hi o Anak. Mer hams an mare yaka har stepangre, oun yaake hams ninna an lengre yaka.”