Jesaja 40:11 - O Debleskro Lab 2024 (Sinte-Manouche)

¹¹ Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

O Debleskro Drom 2021 (Sinte)

¹¹ Job dell jak ap lende har i bakrengro dell jak ap peskre bakre un dell len te chal, un lell i terne bakren an peskre mussja, un hidjrell len an peskri baja. Un kolla, kai len terne hi, lenge djal lo latches trujel.

Jesaja 40:11 ပူးပေါင်းရင်းမြစ်များ

1. Mose 33:13

Penas o Yakob: “Miro ray, tou djineh, kay i čave tikno hi. Pash mande hi ninna groumya oun bakre, kay len terne hi. Te nashens yon hounte yek dives sik, merans i tsele firhe.

1. Mose 49:24

his leskro bogo zoreles an leskro vast, oun leskre moussya his zoreles kerdo, o Yakobeskro zorelo Devel das les zoor. Yob dell garda ap o Israel har i bakrengro ap peskre bakre, oun dell len gar pre.

Debleskri gili 100:3

Ma bistrenn: O baro Devel kokres hi o Devel! Yob kras men, oun leskre ham mer. Leskre menshe ham, oun yob hi menge har i bakrengro, kay djal glan leskre bakre oun anell len kote, kay len doha rhapaske hi.

Debleskri gili 27:10

Te moukenn man miro dad oun miri day, leh tou, baro Devel, man pash toute pre.

Debleskri gili 28:9

Ab ap i rig tire menshenge! Čip tiri zoor oun tiri barht ap mende, kay tiro ham! Ab hako tsiro har i bakrengro menge, kay dell yak ap peskre bakrende oun dell len lauter, hoy len hounte vell djipaske!

Debleskri gili 37:3

Dik ap o baro Debleste, te krell lo touke lačepen! Oun kre, hoy mishto hi! Ač an o them, oun djib kolestar, hoy tire vastentsa boudral!

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Jesaja 42:3

I an-phagedo shilftikro khass, phagell lo gar tele, oun i momeli hoy gomme i tikni yagah rhačell, koya krell lo gar vin. Čačepah, yob krell, te lell hakeno peskro čačepen.

Jesaja 63:11

Kote moukan le penge pale i phoure tsirya an o shero te djal, kol divessa, kay o Mose, djivas, oun poučan pendar: Kay hi o baro Devel, kay las peskre menshen vin dran o baro pani, khetne kolentsa, kay ap lende yak dan? Kay hi o baro Devel, kay ap lende peskro dourho čivas?

Jeremia 31:10

Shounenn, t'mer menshe dran vavar themma, hoy o baro Devel penell! Djan pral o baro pani pash i panyeskre themma, oun rakrenn kote leskre laba! Penenn: Kova, kay tradas o Israel an boud themma, kova lell len pale khetne oun dell garda ap lende har i bakrengro ap peskre bakre garda dell.

Jeremia 31:8

Ava, me, o baro Devel, anau len dran o them, hoy kote čiddo hi, kay norden hi. Oun anau len khetne dran i tsele themma ap i phoub, ninna kolen, kay korelo, bango oun an vavar koova hi, ninna i terne daya. Kolla lauter hi boud boud menshe, kay venn pale kay.

Ezekiel 34:15

Me kokres hom lengro bakrengro, oun anau len kote, kay le pen tele nay čivenn kek daryah. Kava penell o baro Devel, maro ray.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Ezekiel 34:2

Tou, mensho, pen i pralstunenge pral Israel glan-vi, hoy pral lende vella! Pen lenge: Kava penell o baro Devel, maro ray: Djungeles djal t'menge! T'mer han i bakrengre mire menshenge, oun hounte anans i Israelitaryen har bakre kote, kay hatsenn le lačo zenlepen. Kova krenn t'mer gar. T'mer dikenn kokres ap t'mende, te djal t'menge mishto.

Ezekiel 34:23

Oun me moukau yek bakrengro lenge pre te stell, kay dell yak ap lende. Kova vell dran i familya o Davidestar, oun hi har o David miro boudepaskro. Yob vell lengro bakrengro oun dell yak ap lende.

Ezekiel 34:31

Ava, t'mer mire menshe, han mire bakre, ap kolende yak dau. Oun me hom t'maro Devel. Kava penell o baro Devel, maro ray.

Ezekiel 37:24

Oun yek dran i familya o Davidestar, kay hi har o David miro boudepaskro, vell lengro baro ray. Yob vell i bakrengro kolenge halauterenge, oun dell yak ap lende. Oun yon djivenn pal mire čačepaskre laba oun krenn, hoy lendar kamau.

Micha 5:4

Oun yob anell lenge i lačo tsiro. Te venn i lourde dran o them Assour an maro them, oun phagenn an mare khera dren, čivah mer zorele pralstunen oun rayen pre, te rikrenn le len pale.

Micha 7:14

Baro Devel, de yak ap tire menshende, har i bakrengro yak dell ap peskre bakre! Tou rodal touke tire menshen vin, te venn le tiro. Yon djivenn kokres an o veesh. Troul lende hi boud them lačo zenlepah. Mouk len pale an i themma Bashan oun Gilead te djal, te hatsenn le kote lačo zenlepen har an o phouro tsiro.

Zakarie 11:7

Oun kol parepangre, kay ginan oun bikran i bakre, dan man koy boudi, te dap yak ap kol bakre, kay maredo venn. Oun me lom douy kashta: Ko yekes kharom lačepen oun ko vavar harmenatsyona. Oun me dom garda ap kol bakre.

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

1. Petro 2:25

T'mer hans har bakre, kay nashran pen. Kanna anas t'men o Yezous Kristo pale ap o čačo drom. Yob hi t'menge har i bakrengro, oun dell garda ap t'mende.

1. Petro 5:4

Oun ap ko dives, kay vell o pralstouno bakrengro, lenn t'mer leskro raylepen, hoy ačella hako tsireske.

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.