Jesaja 38:19 - O Debleskro Lab 2024 (Sinte-Manouche)

¹⁹ Kolla, kay djivenn, ava, i djide hi kolla, kay sharenn tout, yaake har me sharau tout kava dives. I dada penenn pengre čavenge, kay tou tiro lab rikreh.

O Debleskro Drom 2021 (Sinte)

¹⁹ Kolla, kai djiwenn, awa, i djide hi kolla, kai sharenn tut, jaake har me sharau tut kau diwes. I dada penenn pengre tchawenge, kai tu tiro lab rikreh.

Jesaja 38:19 ပူးပေါင်းရင်းမြစ်များ

1. Mose 18:19

Me rodom les mange vin, te penell lo peskre čavenge oun kolenge, kay pal leste venna, te rikrenn pen le ap miro drom oun krenn, hoy mishto oun čačo hi, te nay moukap me halauter ap o Abrahameste te vell, hoy me leske penom.”

Debleskri gili 118:17

Me merau gar. Na-a, ačau djido, oun penau i menshenge, hoy o baro Devel lauter kras.

Debleskri gili 119:175

Mouk man te djivell, te sharap tout, kre man zoreles tire čačepaskre labentsa.

Debleskri gili 145:4

Ninna mare čavengre čave sharenn, hoy tou kral, oun rakrenn pral tiro zorelo koova.

Debleskri gili 146:2

Yaake rah har me djivau, kamau o baro Debles te sharell. Yaake rah har hom ap kay phoub, kamau leske te bashrell.

2. Mose 10:2

Kova krom, te nay peness tou tire čavenge oun tire čavengre čavenge, har krom me ap i Egiptarya, oun havo baro koova me krom mank lende an miri zoor. T'mer hounte djinenn, te hom me o baro Devel.”

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Joel 1:3

Penenn kova t'mare čavenge, te penenn yon les doureder lengre čavenge, oun kolla lengre čavenge:

Johanni 9:4

Yaake rah har dives hi, kras mer, hoy o Devel menge penas, kova, kay bičras man. I rati vella: Koy nay krell kek i boudi.

5. Mose 11:19

Oun penenn len t'mare čavenge. Rakrenn kol labendar, te han khere, oun ninna te djan ap o drom, te čivenn t'men tele, oun ninna te stenn pre.

5. Mose 4:10

hoy djas ap ko dives, har t'mer glan t'maro baro Debleste tardo hans pash i berga Horeb. Kote penas yob ap mande: “An i tsele menshen khetne, te shounenn le, hoy lenge penau, te krenn le hako dives, hoy lendar kamau, yaake rah har djivenn le, oun te penenn le kova ninna pengre čavenge.”

5. Mose 4:9

Denn zoreles yak ap t'mende, te bistrenn gar – yaake rah har djivenn, – hoy t'mare yakentsa dikan! Oun penenn t'mare čavenge oun lengre čavenge,

5. Mose 6:7

oun peness len ninna tire čavenge, te bistrenn le len gar. Rake lendar, te hal khere beshdo, oun te djah ap o drom, oun te čiveh tout tele oun te steh pale pre.