Jesaja 38:18 - O Debleskro Lab 2024 (Sinte-Manouche)

¹⁸ An o moulengro them sharenn le tout gar. I moule nay givenn touke kek gilya. Oun kolla kay paskedo hi, nay dikenn bouder gar, te rikreh tou tiro lab.

O Debleskro Drom 2021 (Sinte)

¹⁸ An o mulengro them sharenn le tut gar. I mule nai giwenn tuke kek gilja. Un kolla kai paskedo hi, nai dikenn buder gar, te rikreh tu tiro lab.

Jesaja 38:18 ပူးပေါင်းရင်းမြစ်များ

Debleskri gili 28:1

I gili o Davidestar. Tou, baro Devel, hal mange har i baro zorelo bar, kay nay khatrau man. Ap toute dau me gole. Ma risse tire kanda mandar! Tou te shouneh gar, har gole dau, palle hom yaake har kolla, kay pash i moulende an o moulengro them djan.

Debleskri gili 30:9

Ap toute, baro Devel, dom gole, ap toute, miro ray, rovom oun penom:

Debleskri gili 6:5

Risse trouyel, baro Devel, oun le man vin! Tou hal yaake lačo, le man vin!

Debleskri gili 6:6

Te hom moulo, nay sharau me tout bouder gar. Pash i moulende parkrenn le pen gar pash toute.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

4. Mose 16:33

Oun yon djan djides tele an o moulengro them lauterentsa, hoy len hi. Oun i phoub čakras len. Oun yon meran mashkral vin dran kol tsele menshende.

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Mateo 8:12

Oun i biboldendar venna boud an i kali rat vin vitsedo. Oun yon rovenna, oun dandrenn i danda i doukatar khetne.”