Jesaja 38:15 - O Debleskro Lab 2024 (Sinte-Manouche)

¹⁵ Hoy penap pal kova gomme: Yob kras, hoy lo mange penas Me nay sovau bouder gar. Miro tselo djipen vas mange shoutlo.

O Debleskro Drom 2021 (Sinte)

¹⁵ Hoi penap pal kowa gomme: Job kras, hoi lo mange penas Me nai sowau buder gar. Miro tselo djipen was mange shutlo.

Jesaja 38:15 ပူးပေါင်းရင်းမြစ်များ

1. Rajengro liil 21:27

Har shounas o Ahab kal laba, tserdas lo peskri plaashka an kotya, rivas peske i gono trouyel, rhas či, oun rakras bouder gar. Ninna o sopaske rivas lo o gono gar vin.

2. Rajengro liil 4:27

Har yoy pash o Debleskro morsheste ap koy berga vas, tapras yoy leskre herya trouyel. O Gehasi vas, te dell lo lat i spildini. Koy penas o Debleskro morsh: “Mouk lat! Lake hi ropaske, oun me djinau gar hoske. O baro Devel penas mange či, hoy djas.”

Esra 9:10

Oun kanna, maro Devel, hoy te penas pal kava tselo koova? Mer djivam gar pal tire laba,

Hiob 10:1

Kamau bouder gar te djivell. Doleske rikrau miro ropen ninna gar pale, oun rakrau yaake, har miro doukedo dji mange penell.

Hiob 21:25

Ko vavar merell pal i pharo djipen oun dikas kek barht.

Hiob 7:11

Doleske kamau me ninna gar miro mouy te rikrell, kamau te rakrap dran miro djiyeskri daar, oun miri bari douk vin gole te dell.

Debleskri gili 116:1

Me kamau o baro Debles o djiyestar, yob shounas man, har rovom me ap leste.

Gosewe laba 31:6

Denn zorelo pipen kolenge, kay ap o merepen čiddo hi, oun mool kolenge, kay lenge ropaske hi.

Jesaja 38:17

Dik, kova his mange mishto, te vom nasselo: An tiro kamlepen tserdal tou miro djipen vin dran o merepen. I tseli doosh, hoy me ap mande anom, vitsral tou pal tiro doumo.

Johanni 12:27

Man hi daar an miro dji. Hoy nay penap me? Tata, le mandar kova krik, hoy ap mande vella? Na-a, me vom ap kay phoub, te lap kova ap mande, hoy kanna vella.

Josua 7:8

Hoy te penap me, mo ray, kanna kay o Israel peske nashas kolendar, kay kamenn les te marell?

1. Samuel 1:10

Oun lakro dji rovas, oun yoy mangas o baro Debles oun rovas zoreles ap leste,