Jesaja 38:14 - O Debleskro Lab 2024 (Sinte-Manouche)

¹⁴ An miri gole hi kek zoor. Har i čirklengri gole shounell pes miri gole an, oun har te rovals i tauba. Mire yaka hi khino, yaake rah dikom ap toute pre. Miro ray, hom an o merepen! Ab tou ap miri rig!

O Debleskro Drom 2021 (Sinte)

¹⁴ An miri gole hi kek soor. Har i tchirklengri gole shunell pes miri gole an, un har te rowals i tauba. Mire jaka hi khino, jaake rah dikom ap tute pre. Miro rai, hom an o merepen! Ab tu ap miri rig!

Jesaja 38:14 ပူးပေါင်းရင်းမြစ်များ

Hiob 17:3

Hi yaake, har te voms an o stilepen. Mangau tout, playse tou kol love, te vap vin lino! Man hi kek vavar, kay mange mishto rakrell.

Hiob 30:29

Miri gole hi har i gole i divye djouklendar oun kol bare čirklendar, kay kharenn autruches.

Debleskri gili 119:82

Me dikau mange i yaka vin pal kova, hoy tou mange penal. Kaana veh tou, oun khosseh mange i sva tele?

Debleskri gili 143:7

Baro Devel, shoun man sik! Man hi bouder kek zoor. Ma khate tout mandar, te vap gar har kolla, kay hounte merenn.

Debleskri gili 55:2

Miro Devel, shoun miro mangepen! Me rovau ap toute. Ma khate tout mandar!

Debleskri gili 69:3

Me tassau an sapeni čik, mire herya hatsenn kek phoub, kay yon nay tardo ačans. Hom an pani, hoy dour tele djal. Oun zorele panya kamenn man tele te tserdell.

Jesaja 59:11

Har pandle divye firhe dah gole i doukatar, oun rovah har i taube. Mare djia nashenn pal ko dives, kay vell menge o Devel ap i rig, oun lell men vin dran i čilače vasta. Yob vell gar, oun či djala.

Ropaskre gilja 4:17

Pale te pale dikan mare yaka pen trouyel pal yekeste, kay menge ap i rig vell. Oun kek vas. Ko them, ap koleste dikam, nay las men gar dran i bibarht vin.

Ezekiel 7:16

Oun kolla, kay nay nashenn penge, djivenn ap i berge har darene taube mank i bare barra, oun rovenn pral pengri doosh.

Nahum 2:7

Kol voudya pash i panya venn pre kerdo. Oun i daar taprell halauteren an o baro rayeskro kheer.

Nahum 2:8

Koy rani vell pandles krik anlo. Lakre djouvyengre boudepangre rovenn har i taube, oun denn penge ap pengro beč.

Hebrearja 7:22

Yaake vas o Yezous kova, kay nay anell men čačepah pash o Debleste. Kova nay kras o Mose gar.