Jesaja 38:10 - O Debleskro Lab 2024 (Sinte-Manouche)

¹⁰ Me penom mange: Mashkral an miro djipen hounte merap oun pash i moulende hounte djap. I bersha, hoy mange hounte vans, van mange randedo!

O Debleskro Drom 2021 (Sinte)

¹⁰ Me penom mange: Mashkral an miro djipen hunte merap un pash i mulende hunte djap. I bersha, hoi mange hunte wans, wan mange randedo!

Jesaja 38:10 ပူးပေါင်းရင်းမြစ်များ

Hiob 6:11

Man hi bouder kek zoor, te nay rikrap doureder vin. Hoy ačell miro djipastar, te dikap ap ko tsiro, hoy vella?

Hiob 7:7

Ma biste, miro Devel, te hi miro djipen har i dourho. Mire yaka dikenn bouder kek barht.

Debleskri gili 102:24

Har homs gar doureder har mashkral ap miro drom, phagas yob miri zoor, moukas man sikeder phouro te vell.

Debleskri gili 102:25

Me penom: Mo Devel, le man gar krik ap o paash drom miro djipastar! Tiro djipen herell gar pre, an kek tsiro.

Debleskri gili 107:18

te nay rhan le bouder či, oun his boudeder moulo har djido.

Debleskri gili 31:23

Me homs yaake dareno, te penom: “Mo Devel, tou kameh mandar bouder či te djinell!” Kova his gar yaake: Tou shounal man, har rovom ap toute.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Jesaja 38:1

An kol divessa vas i merepaskro nasslepen pral o Hiskiya. Oun o Debleskro rakepaskro, o Yesaya, koleskro dad o Amoz his, vas pash leste oun penas ap leste: “Kava penell o baro Devel: Tou veh gar sasto kava nasslepastar, oun hounte meress. Doleske pen tire menshenge, har te djal pal tiro merepen doureder!”

Jesaja 38:9

Kava hi koy gili, hoy kras o Hiskiya, ko baro ray pral o them Youda, har yob nasselo his oun pale sasto vas:

Jona 2:6

O pani djas mange bis ap i meen. O telstunepen his troul mande, oun o panyeskro khass pandas pes troul miro shero.

2. Korintarja 1:9

Maro merepen his glan mare yaka. Kava pharo koova vas ap mende, te dikas bouder gar ap mende, na-a, te dikas ap o Debleste, kay krell i moulen djido.