Jesaja 37:4 - O Debleskro Lab 2024 (Sinte-Manouche)

⁴ O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

O Debleskro Drom 2021 (Sinte)

⁴ O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!”

Jesaja 37:4 ပူးပေါင်းရင်းမြစ်များ

2. Samuel 16:12

Nay vell, kay o baro Devel dikell miri bibarht, oun krell lačepen dran ko praasepen.”

2. Rajengro liil 17:18

Kote vas o baro Devel rhoyedo pral i Israelitarya, oun čivas len krik glan leskre yaka, yaake kay ačan kokres menshe dran o kheer Youda pral.

2. Rajengro liil 19:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

2. Familjakro liil 28:19

Savi phagi moukas o baro Devel pral i menshende an o them Youda te vell doleske, kay moukas lengro baro ray, o Ahas, o baro Debles, oun kay moukas lo i menshen an peskro them bipandles te vell.

2. Familjakro liil 34:21

“Djan koy oun poučenn o baro Debles mange oun i menshenge dran Israel, kay pral ačan, oun kolenge an o them Youda, pral kol laba an ko liil, hoy hatslo vas. Mare phoure shounan gar ap o baro Debleskre laba, oun djivan gar yaake, har dren činlo hi an kava liil. Doleske hi o baro Debleskri rholi bares ap mende čiddo.”

Debleskri gili 106:23

Doleske kamas lo len moulo te dell, te vals kote gar o Mose, koles yob peske vi-rodas. Kova stas pre, te rikrell lo o Debles leskri rholyatar tele, yaake te dell lo len gar moulo.

Debleskri gili 50:21

Kova kral tou, oun me penom kek lab. Koy rikral tou man har yek, kay hi yaake har tou. Me sikrau tout koy doosh, hoy anal ap toute, oun anau touke tiro čilačo koova glan tire yaka.

Jesaja 1:8

Kokres o foro Yerusalem ačas pral, i foro troul koleste i lourde tardo hi. Ko foro hi kokres har i tikno kheer an i drakengro them, har i kheer, kay yek yak dell an i rati ap kova, hoy ap peskri phoub bares vell.

Jesaja 1:9

Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

Jesaja 10:20

I tsiro vella, kay ačan bouder gar boud menshe pral an Israel. Kolla, kay hi gomme djido o Yakobeskre čavendar, rikrenn pen palle bouder gar ap kolende, hoy len dava dan. Na-a, kolla rikrenn pen palle ap o baro Debleste, kay o Israeleskro Devel hi, oun moukenn lestar gar bouder tele.

Jesaja 10:22

Ninna te vans i Israelitarya yaake boud har i santa pash o baro pani, gar boud lendar ačenn pral, oun venn pale pale ap o Debleskro drom. O merepen vell boudenge. Kova hi i vi-kerdo koova. Yaake vell o čačepen kerdo.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 36:13

Oun ko pralstouno djas glan oun das gole an o hebretikro rakepen: “Shounenn ko lab o baro rayestar, ko rayestar pral o them Assour!

Jesaja 36:18

Shounenn gar ap o Hiskiya! Yob rhorhell t'men, te penell lo ap t'mende: O baro Devel lell men dran lengre vasta vin. Nay lan i debla vavar themendar pengre menshen vin dran o vast o baro rayestar pral o them Assour?

Jesaja 36:20

Koon mank i tsele debla an i vavar themma, nay las peskro them dran mire vasta vin? Patsenn čačepah, te nay tserdell kokres o baro Devel o foro Yerusalem vin dran miro vast?”

Jesaja 37:17

Baro Devel, dik, hoy menge djala, oun shoun, har o Sanherib tout, o djido Debles, praasell. Čačo hi, baro Devel, kay maran i raya pral o them Assour i menshen an boud themma, oun kran dran lengre themma i moulo them.

Jesaja 37:31

Oun kol menshe, kay pral ačan dran o kheer Youda, venna pale har i zorelo rouk, koleskre draba dour an i phoub djan oun ap koleskre kashta roukengre bares venna.

Jesaja 37:32

Ava, dran o foro Yerusalem venna pale menshe, kay kolendar venna, kay djido ačan. Oun ap i berga Sion djivenn kolla, kay vin lino van dran o merepen. Yob, o baro Devel, ko ray pral o bolepen oun i phoub, hi, kay kova krell.

Jesaja 37:5

Har shounas o Yesaya i laba kol bare morshendar, kolen o Hiskiya bičras,

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 46:3

T'mer dran o kheer Yakob, t'mer, kay pral ačan dran o kheer Israel, shounenn ap mande, t'mer, kolen rikrom yaake rah har ap i phoub han. Ava, yaake rah har boldo van, hidjrom t'men.

Jeremia 26:19

Har o Mika kova glan-vi penas, moukas les o baro ray Hiskiya oun kol menshe an Youda te marell? Na-a! Yon lan o baro Debleskre laba ap o dji oun mangan lestar, te marell lo len gar. Oun o baro Devel rikras pes pale oun bičras gar koy bibarht pral lende, kolatar yob rakras. Oun kanna, te marah mer o Yeremiyes, anah i bari bibarht ap mende!”

Jeremia 42:2

oun penan ap o Debleskro rakepaskro, o Yeremia: Mouk maro mangepen glan toute te vell, oun mange tiro baro Deblestar kal tsele menshenge, kay pral ačan! Glan i tsiro hams boud, kanna ačan gar boud pral mendar, har tou nay tire yakentsa dikeh.

Daniel 2:18

te mangenn le o bolepaskro Debles, te vell lo lenge lačes, oun te sikrell lo len ko khatedo koova, yaake te venn yon gar maredo khetne kol vavar sikle morshentsa an o them Babilonia.

Joel 2:17

Penenn i rashayenge, kay boudrenn o baro Debleske, te rovenn le ap i platsa mank o Debleskro kheer oun leskri rhačepaskri, oun penenn: Baro Devel, kre tiro dji pre tire menshenge! Ma mouk i menshen dran vavar themma men te praasell oun sanell pral mende. Hoske te penenn le: Kay hi lengro Devel?

Amos 5:15

Dikenn čilačes ap kova, hoy čilačo hi, oun dikenn lačes ap kova, hoy lačo hi! Dikenn koy pre, te lell kova peskro čačepen, koon an o čačepen hi! Palle nay vell o baro Devel lačes kolenge, kay dran o kheer Yosef pral ačenn. Yob hi o ray pral o bolepen oun i phoub.

Amos 7:2

An miro dikepen dikom, har kaman i stepangre o tselo zenlepen te rhal an o them. Koy penom: “Baro Devel, maro ray, ma dik ap mari doosh! Har nay vell o Yakobeskro kheer pale ap i herya, kay yaake tikno hi.”

Remarja 9:27

Pral i Israelitarya rakras o Debleskro rakepaskro, o Yesaya, kol laba: Ninna te vans i Israelitarya yaake boud har i tikne barra pash o baro pani, kol boudendar ačella yek vast pherdo pral, oun vell dran o Debleskri rholi vin.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

Josua 14:12

Oun kanna de man kol berge, kolendar o baro Devel an ko dives rakras! Tou shounal an ko dives, te djivenn kol Anakarya koy an bare zorele forya. Te hi o baro Devel mantsa, palle nay tradap len vin, har o baro Devel kova penas.”

1. Samuel 12:19

Oun yon penan ap o Samuel: “Mer ham tire boudepangre. Mang menge o baro Debles, kay tiro Devel hi, yaake te hounte meras mer gar. Ap mende hi boud doosh čiddo. Oun kanna kram ninna ko čilačo koova, te mangam menge i baro rayes pral mende.”

1. Samuel 12:23

Oun me ninna, kamau gar i doosh ap mande te anell glan o baro Debleste, te mangap les gar t'menge. Me kamau te sikrap t'mende o lačo oun čačo drom.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”

1. Samuel 17:36

Leve oun bere dom moulo. Oun yaake djal les ninna kava Filistareske, kay gar činlo hi ap peskro mass. Yob praasas i lourden o djido Deblestar. Doleske hounte merell lo!”

1. Samuel 7:8

Oun yon penan ap o Samuel: “Mouk gar tele, te mangess menge maro baro Deblestar, te lell lo men vin dran i vasta kol Filistarendar.”