Jesaja 37:33 - O Debleskro Lab 2024 (Sinte-Manouche)

³³ Doleske penell o baro Devel pral o baro rayeste dran o them Assour: Na-a, yob vell gar an kava foro, oun dell kek faylo karye an kava foro dren. Glan kava foro nay čivell lo kek lourden, kay rikrenn pengre shilte pre. Oun kek phoub moukell lo pre te čivrell, te nay djal lo koy pral an o foro dren.

O Debleskro Drom 2021 (Sinte)

³³ Doleske penell o baro Dewel pral o baro rajeste dran o them Assur: Na-a, job well gar an kau foro, un dell kek failo karje an kau foro dren. Glan kau foro nai tchiwell lo kek lurden, kai rikrenn pengre shilte pre. Un kek phub mukell lo pre te tchiwrell, te nai djal lo koi pral an o foro dren.

Jesaja 37:33 ပူးပေါင်းရင်းမြစ်များ

Jesaja 17:12

Shounenn, boud boud lourde venna dran boud themma, oun lengri gole hi baro oun divyo har o baro pani. Zorele natsyone hadan pen oun venna har zorele divye panya.

Jesaja 17:14

Ap i rati krenn le i menshen bari traash. Oun glan o nevo dives vella, hi le gar bouder koy. Yaake djal kolenge, kay kamenn men vin te randell. oun kamenn menge kova te čorell, hoy menge hi.

Jesaja 33:20

Dik ap ko foro Sion, kay mer khetne vah ap i bare divessa. Dik, har i Yerusalem i foro hi, kay djivenn i menshe kek daryah. Ko foro hi har i plarhteno kheer, hoy bouder gar tele phagedo vell. Kol saster, hoy les rikrenn, venn gar bouder vin tserdedo, oun lengre shelle djan gar bouder paash.

Jeremia 32:24

I Babilonarya hi troul o foro tardo, oun čivan phoub pre, te krenn le i drom, te nay djan le an o foro dren. Kava drom djal bis pash o foreste. Sik hounte perell o foro an lengre vasta. Oun i menshendar koy dren merenn boud i bokatar oun ap o djoungelo nasslepen. Oun vavar venn maredo o rhareha. Yaake har tou kova penal, yaake vas ninna; tou nay dikeh kokres, har hi.

Jeremia 6:6

Kava penell o baro Devel, o ray pral o bolepen oun i phoub: Denn i rouka tele an o foro Yerusalem, oun krenn i drom, hoy djal pre ap o foreskri massouri o forestar Yerusalem! An kava foro hi či har čilačepen dren. Doleske lell lo peskri phagi.

Ezekiel 21:22

Yaake kamau ninna me, o baro Devel, mire vasta khetne te dell i rholyatar. Oun pal kova hom bouder gar rhoyedo.

5. Mose 20:20

Save rouka, kolendar djinenn, te rhal kek lendar, kolen nay denn t'mer trouyel, oun nay krenn dromma lendar, te nay venn t'mer an ko foro, hoy an o kourepen t'mentsa hi, oun nay lenn les dren.