Jesaja 37:28 - O Debleskro Lab 2024 (Sinte-Manouche)

²⁸ Tiro tardepen prindjrau oun tiro beshepen dikau, oun ko tsiro djinau, kay djah tou vin, oun kay veh pale dren. Oun ninna djinau, havi bari rholyah tou divyes ap mande djah.

O Debleskro Drom 2021 (Sinte)

²⁸ Tiro tardepen prindjrau un tiro beshepen dikau, un ko tsiro djinau, kai djah tu win, un kai weh pale dren. Un ninna djinau, hawi bari choljah tu diwjes ap mande djah.

Jesaja 37:28 ပူးပေါင်းရင်းမြစ်များ

2. Samuel 3:25

Prindjreh tou gar o Abneres, koleskro dad o Ner hi? Yob vas, te rhorhell lo touke čomone glan. Yob kamell te dikell, kay tou djah oun veh, oun kamell vin te hatsell, hoy tou kreh.”

Gosewe laba 15:3

I yaka o baro Deblestar dikenn lauter, kova, hoy i čilače krenna, oun kova, hoy i lače krenna.

Gosewe laba 5:21

O baro Devel dikell, har hakeno djivell. Kova, hoy hakeno krella, djinell lo.

Jeremia 48:30

O baro Devel penell pral leste: Me prindjrau leskro pre-phourdo dji mishto, oun leskro baro mouy; Lauter hi rhorhepen.

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.

1. Samuel 29:6

Oun o Akish das o David pash peste gole oun penas ap leste: “Me dau man sovel pash o djido Debleste, me patsau, te hal tou i čačo morsh. Oun mange vals mishto, tou te djals mantsa an o kourepen. Me nay hatsom kek čilačepen ap toute, yaake rah har pash mande val, bis ap kava dives. An i yaka i vavar rayendar hi kova gar yaake. Yon kamenn tout gar!