Jesaja 36:19 - O Debleskro Lab 2024 (Sinte-Manouche)

¹⁹ Kay hi kanna kol debla dran i forya Hamat oun Arpad? Kay hi kanna i debla dran Sefarvayim? Kay hi kanna i debla dran Samaria? Lan le Samaria vin dran miro vast?

O Debleskro Drom 2021 (Sinte)

¹⁹ Kai hi kanna kol debla dran i forja Hamat un Arpad? Kai hi kanna i debla dran Sefarwajim? Kai hi kanna i debla dran Samaria? Lan le Samaria win dran miro wast?

Jesaja 36:19 ပူးပေါင်းရင်းမြစ်များ

2. Samuel 8:9

Ko ray pral o foro Hamat – leskro lab his Toy, – his an o kourepen o rayeha Hadad-Eser. Har o Toy kanna shounas, kay maras o David koleskre tsele lourden, bičras lo peskro čaves, o Yoram, pash o baro rayeste David, oun parkras pes pash leste oun moukas les te penell, te vell les boud barht, oun anas peha roupene koola oun sonakangre koola oun save dran lolo saster.

2. Rajengro liil 17:24

Har i Israelitarya dran o them Samaria krik anlo van, moukas o baro ray pral o them Assour menshen dran vavar forya te vell, te djivenn le kote. Kolla van dran i forya Babilon, Kouta, Ava, Hamat oun Sefarvayim, oun djivan kanna an kol forya an o them Samaria. Oun yaake lan le kava them dren.

Jesaja 10:7

O baro rayes pral o them Assour his kova gar doha. Oun yob las pes gomme boudeder glan, oun kamas i menshen an boud themma temerl dell, yaake boud har djala.

Jeremia 49:23

Laba pral o foro Damaskus. I menshe an i forya Hamat oun Arpad shounan čilačo koova. Yon lan bari daar oun djinenn gar, hoy te krenn. I traash vell pral lende har o baro pani, hoy gar tardo ačell.

4. Mose 34:8

Oun kotar doureder bis kote, kay djal an Hamat, oun doureder pash Zedad,