Jesaja 36:12 - O Debleskro Lab 2024 (Sinte-Manouche)

¹² O pralstouno penas: “Bičras man miro ray kokres pash tiro rayeste oun pash toute koy, te rakrap kal laba? Na-a, ninna pash i morshende, kay ap i massouri tarde hi, bičras lo man, te rhan le t'mentsa khetne pengro foul oun piyenn pengro mutepen.”

O Debleskro Drom 2021 (Sinte)

¹² O pralstuno penas: “Bitchras man miro rai kokres pash tiro rajeste un pash tute koi, te rakrap kal laba? Na-a, ninna pash i murshende, kai ap i massuri tarde hi, bitchras lo man, te chan le tumentsa khetne pengro ful un pijenn pengro mutepen.”

Jesaja 36:12 ပူးပေါင်းရင်းမြစ်များ

2. Rajengro liil 18:27

O pralstouno penas ap lende: “Bičras man miro ray kokres pash tiro rayeste oun pash toute koy, te rakrap kal laba? Na-a, ninna pash i morshende, kay ap i massouri tarde hi, bičras lo man, te rhan le t'mentsa khetne pengro foul oun piyenn pengro mutepen.”

Jesaja 36:11

Kote penas o Elyakim oun o Shebna oun o Yoa ap ko pralstuneste, kay pash lende bičedo vas: “Mo ray, rake mentsa aramtikes! Mer nay hayvah ko rakepen. Oun ma rake mentsa hebretikes, te shounenn kova i menshe gar, kay kate ap i massouri tarde hi.”

Jesaja 36:13

Oun ko pralstouno djas glan oun das gole an o hebretikro rakepen: “Shounenn ko lab o baro rayestar, ko rayestar pral o them Assour!

Jesaja 9:20

I menshe dran o kheer Manasse perenn ap kolende dran o kheer Efrayim, oun kolla dran Efrayim ap kolende dran Manasse. Oun kol douy khetne djan ap i menshende dran Youda. Oun pral kova lauter moukell o Debleskri rholi lendar gar tele, oun leskro vast ačell pre hadedo, te dell lo len i phagi.

Jeremia 19:9

Kol lourde, kay kamenn len te marell, čivenn pen troul o foro oun pandenn les dren. Koy vell savo čilačo tsiro, kay kol menshe an ko foro yek i vavares pre rhan, ninna pengre čaven rhan yon pre.

Ezekiel 4:12

Peke ko maro har sane mare dran djob. Peke les pral menshengro foul! Kre kova glan i menshende, te dikenn le kova.

Ezekiel 4:16

Oun yob penas pale ap mande: Tou, mensho, me krau, te vell bouder gar doha maro an o foro Yerusalem. Palle hi hakenes kokres i tikno kotar maro, oun nay piyell kokres i tikno khoro pani. Oun yon lenn daar, te hounte merans le i bokatar.

3. Mose 26:29

I bokatar rhan t'mer o mass t'mare čavendar oun čendar.