Jesaja 35:6 - O Debleskro Lab 2024 (Sinte-Manouche)

⁶ Oun har i vesheskri bouzni stell kova, kay nay nashas gar. Oun kova, kay nay rakras gar, rakrell nay oun dell gole i barhtyatar. An o moulo tato them vell pani vin dran i phoub. Oun an o divyo trouk them nashenn lengste panya.

O Debleskro Drom 2021 (Sinte)

⁶ Un har i wesheskri busni stell kowa, kai nai nashas gar. Un kowa, kai nai rakras gar, rakrell nai un dell gole i bachtjatar. An o mulo tato them well pani win dran i phub. Un an o diwjo truk them nashenn lengste panja.

Jesaja 35:6 ပူးပေါင်းရင်းမြစ်များ

Nehemia 9:15

Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

Debleskri gili 107:35

Oun pale moukas lo an o moulo them boud pani te nashell, oun dran i trouk phoub pani te vell.

Debleskri gili 46:4

ninna te vals o baro pani divyo oun rhoyedo, oun djals savi zoryah pre, te perenn i berge khetne.

Debleskri gili 51:15

Kolen, kay shounenn gar ap toute, kamau me tiro drom te sikrell, te moukenn le pengro čilačo drom, oun venn pale pash toute.

2. Mose 17:6

Oun me čivau man glan toute tardo ap o baro bar pash i berga Horeb. Oun palle dess tou ap o baro bar, oun dran leste nashella pani, yaake te vell len te piyell.” Oun o Mose kras kova yaake glan i yaka kol phourendar.

Jesaja 30:25

Oun an ko tsiro, kay o baro marepen hi, oun i zorele khera khetne phagenn, nashenn panya, tikne oun bare, o pralstouno themestar oun ap haki berga tele.

Jesaja 32:2

Oun hakeno lendar hi har i kheer, kay yek nay khatrell pes glan i baro phourdepen, oun glan i baro zorelo brishin. Ava, yon hi har i panya an i moulo them, oun har i baro bar pal koleste yek pes khatrell, te rhačell o kham tele an i tato them.

Jesaja 32:4

Oun kolla, kay rakran gar pengro djiyeha glan te krenn le čomone, yon dikenn kanna dren, hoy mishto oun gar mishto hi. Oun kolla, kay kek lab vin anan, rakrenn pale mishto, oun i laba nashenn har pani dran lengro mouy.

Jesaja 33:23

Te vell yek shiffo, palle hi lengre pesse shelle gar zoreles pandlo, oun nay rikrenn ko mashkralstouno pesso kasht gar. Oun kol plarhte hi gar bourhles kerdo. Palle venn kolla, kay pash o pani djivenn oun lenn, hoy le hatsenn. Ninna kolla, kay bango djan, hidjrenn čomone krik, – yaake boud hi koy.

Jesaja 35:1

Barhteles vell ko them, hoy kanna tato oun moulo hi. Oun o divyo trouk them sal, oun lauter an leste djivell pre oun anell bloume vin.

Jesaja 42:11

Givenn i bari golyah, t'mer an i forya an i moule tate themma, oun t'mer menshe dran Kedar, kay an i gaba djivenn! Givenn bari golyah, t'mer, kay an o foro Sela djivenn! Denn gole i barhtyatar, t'mer, kay pral ap i berge djivenn!

Jesaja 44:3

Me čorau pani ap o them, koles troush hi, oun lengste panya nashenn an o trouk them. Miro dourho čorau ap kolende, kay toutar venna, oun miro lačepen ap tire čavende.

Jesaja 48:21

O baro Devel anas len ap o drom an o moulo them, oun yon troushan gar. Dran i baro bar moukas lo lenge pani te vell. Yob phagas ko bar an douy kotya, oun moukas dran leste pani te nashell.

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Zakarie 14:8

An ko tsiro nashenn djide panya dran o foro Yerusalem vin. Ko yek paash nashell an o baro pani, hoy kote hi, kay o kham pre djal. Ko vavar paash nashell an o baro pani, hoy kote hi, kay o kham tele djal. Ko pani nashell an i niyal har an o vend.

4. Mose 20:11

Oun o Mose hadas peskro vast, oun das ko lengsto kashteha douy kope ap ko baro bar. Koy vas yaake boud pani dran vin, kay piyan i tsele menshe oun lengre firhe.

Mateo 11:5

I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Mateo 12:22

Palle anan le i morshes pash o Yezouseste. Kova his korelo, oun nashte rakras gar. Oun i beng his an leste. Oun o Yezous kras o morshes sasto, yaake te nay rakras lo, oun dikas lo pale.

Mateo 21:14

Koy van korele oun bange an o Debleskro baro kheer pash o Yezouseste, oun yob kras len sasto.

Louka 1:64

Ap yek kopo nay rakras o Zakari pale, oun sharas o Debles.

Louka 11:14

His i dives, koy tradas o Yezous i benges vin dran i morsheste, kay nay rakras gar. Har ko beng dran leste vin djas, nay rakras ko morsh pale. Oun kol boud menshe, kay troul lende tardo his, kran bare yaka.

Bičepangre 3:2

Kote his i morsh, kova his bango yaake rah har djivell lo. Leskre menshe beshan les hako dives glan o shoukar voudar glan o Debleskro baro kheer, te nay mangell lo love kolendar, kay djan an o Debleskro baro kheer dren.

Bičepangre 8:7

Boud menshendar tradas lo bengen vin. Kolla dan zoreles gole, har yon lendar vin djan. Oun boud menshe, kay his bango oun nay djan gar, van sasto.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Debleskro tsiro 22:1

Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.