Jesaja 35:10 - O Debleskro Lab 2024 (Sinte-Manouche)

¹⁰ Kolen, kay yob dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

O Debleskro Drom 2021 (Sinte)

¹⁰ Kolen, kai job dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.

Jesaja 35:10 ပူးပေါင်းရင်းမြစ်များ

Debleskri gili 107:2

Kova te penenn i vi-line menshe, kolen o baro Devel vin las dran i vasta kolendar, kay len pandan.

Debleskri gili 126:2

Kote sanas maro mouy, oun mari čip das gole i barhtyatar, oun pash i tsele vavar menshende penan le: “O baro Devel kras baro koova ap lende.”

Debleskri gili 126:5

Koon ropah o djob an i phoub vitsrella, kova dell gole i barhtyatar ap ko dives, kay lell lo o djob dren.

Debleskri gili 14:7

Har kamaus me, te vals kova koy berga Sion tele, kay lell o Israel vin dran i bibarht! Ava, har kamaus me, te anell o baro Devel peskre pandle menshen pale! Palle stenna o Yakobeskre čave i barhtyatar, ava, o tselo Israel vell barhtelo.

Debleskri gili 51:8

Tou rodeh o čačepen an o mensheskro dji. An miro dji sikreh tou, har te vap gosevo.

Debleskri gili 84:7

Te djan le an o tato them, nashell kote pani lenge vin. Oun o brishin moukell lauter zenelo oun baro te vell.

Jesaja 1:27

T'mer menshe an Sion, te djivenn pale pal o čačepen, oun djan pale ap o Debleskro drom, playsrom t'menge, te venn vin lino dran o pandepen.

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

Jesaja 30:19

T'mer menshe an o foro Yerusalem, kay djivenn ap i berga Sion, t'mer hounte rovenn bouder gar. Te denn t'mer ap leste gole, hi lo lačes ap t'mende. Yaake sik har shounell lo t'mari gole, rakrell lo ap t'mende pale.

Jesaja 35:2

Shoukar har divye bloume vell o them, oun givell oun dell gole i barhtyatar. O baro Devel krell les raylo har i berge Libanon, oun shoukar har i berga Karmel oun i tala Sharon. Oun i menshe dikenn o raylepen o baro Deblestar, ko baro koova, hoy maro Devel kras.

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 41:16

Tou vitsreh len pre, oun i dourho hidjrell len krik, oun i phourdepen phourdell len kate te kote. Palle veh barhtelo pral tiro baro Debleste, oun shareh tout tiro Debleha, kay o Israeleskro čačo Devel hi.

Jesaja 60:20

Tiro kham djal gar bouder tele, oun tiro čon ačell diklo. o baro Devel vell touke i momeli hako tsireske. Oun kol phare divessa, an kolende tou roval, hi palle trouyel.

Jesaja 61:7

T'mer hidjran bari ladj oun praasepen, doleske lenn t'mer kanna i baro them oun i barht, hoy ačella hako tsireske.

Jesaja 65:18

Givenn oun denn gole i barhtyatar hako tsiro pral kova, hoy me krau! Me krau, te vell Yerusalem i barhtelo foro, oun i tsele menshe koy dren givenn i barhtyatar.

Jesaja 65:19

Me ninna, vau barhtelo pral Yerusalem, oun miro dji givell pral mire menshende. Ropen vell kote bouder gar shounlo, vitar gar dell yek gole i daryatar.

Jesaja 9:3

Tou kral, te hi le bouder gar pandle boudepangre, oun phagal ko kasht, koleha yon ap i boudi tradedo van, yaake har ap ko dives, kay lal i menshen vin dran i vasta kol Midianendar.

Jeremia 30:19

Oun i menshe, kay djivenn kote, givenn sharepaskre gilya, oun denn gole i barhtyatar. Oun me dau len boud čave, te venn le boudeder. Me krau len rayles oun bares oun gar tikneder.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Johanni 16:22

Kanna rovell t'maro dji. Oun me penau t'menge kanna: Me vau pale pash t'mende. Oun t'mer venn barhtelo. Oun koy barht nay lell t'mendar kek krik.

1. Timoteo 2:6

Yob das peskro djipen i tsele menshenge. Yaake sikras o Devel an o čačo tsiro, kay kamell lo, te vell hako mensho vin lino dran o čilačepen oun o merepen.

Judas 1:21

Oun rikrenn t'men an o Debleskro kamlepen! Oun dikenn ap maro rayeste, o Yezous Kristeste! Kova hi yaake lačo ap mende, te dell lo men o djipen, hoy gar pre-herella.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 21:4

Oun yob khossella hake sva ap lengre yaka tele. Oun o merepen dell gar bouder, vitar kek bibarht, kek ropen oun kek douka. Kova hoy his, dell gar bouder.