Jesaja 35:1 - O Debleskro Lab 2024 (Sinte-Manouche)

¹ Barhteles vell ko them, hoy kanna tato oun moulo hi. Oun o divyo trouk them sal, oun lauter an leste djivell pre oun anell bloume vin.

O Debleskro Drom 2021 (Sinte)

¹ Bachteles well ko them, hoi kanna tato un mulo hi. Un o diwjo truk them sal, un lauter an leste djiwell pre un anell blume win.

Jesaja 35:1 ပူးပေါင်းရင်းမြစ်များ

Debleskri gili 48:11

Yaake baro har tiro lab, maro Devel, yaake baro hi tiro raylepen ap i tseli phoub. Tiro čačo vast hi pherdo čačepen.

Debleskri gili 96:12

O them vell barhtelo oun lauter, hoy ap leste baro vas. I tsele rouka an o veesh givenna i barhtyatar

Debleskri gili 97:8

Tou, baro Devel, hal i ray, kay djal pal o čačepen. Kova shounenn i menshe an o foro Sion oun hi barhtelo. Oun kolla an o them Youda sanenn oun khelenn i barhtyatar.

Kamlepaskri gili 2:1

I tikni blouma hom me, har hi le tardo ap o telstouno them Sharon, i lilya an i tala.

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.

Jesaja 27:10

I zorelo foro hi mouklo. Kek djivell bouder an i shoukar khera. O foro hi har i divyo mouklo them, kay i groumya rhan oun pen tele čivenn, oun o zenlepen ap i bourra rhan.

Jesaja 27:6

Ko tsiro vella, kay vell o Yakob pale zorelo. Ava, o Israel vell har i rouk, koles zorele draba hi, oun zenelo vell, oun ap koleste bloume pre djan, oun boud roukengre vin anenn. Kolendar vell i tseli phoub pherdo.

Jesaja 29:17

Čačepah an i tikno tsiro vell o veesh ap i berga Libanon i djobeskro them. Oun hoy kanna i djobeskro them hi, vell palle i veesh.

Jesaja 35:6

Oun har i vesheskri bouzni stell kova, kay nay nashas gar. Oun kova, kay nay rakras gar, rakrell nay oun dell gole i barhtyatar. An o moulo tato them vell pani vin dran i phoub. Oun an o divyo trouk them nashenn lengste panya.

Jesaja 4:2

I tsiro vella, kay krell o baro Devel peskro them Israel raylo oun shoukar. Oun kolla, kay pral ačan oun an o them djivenn, hi barhtelo pral ko boud lačo koova, hoy i phoub vin anell. Oun vavar menshe sharenn len koleske.

Jesaja 40:3

Shounenn! Koy dell yek gole: “Krenn o baro Debleske o drom an o moulo tato them, te nay vell lo pash i menshende! Lenn halauter krik, hoy maro Debleske an o drom čiddo hi!

Jesaja 42:11

Givenn i bari golyah, t'mer an i forya an i moule tate themma, oun t'mer menshe dran Kedar, kay an i gaba djivenn! Givenn bari golyah, t'mer, kay an o foro Sela djivenn! Denn gole i barhtyatar, t'mer, kay pral ap i berge djivenn!

Jesaja 43:19

Dik, me krau nevo koova! Kanna vell kova! Hayvenn oun dikenn les gar? Ava, me krau i drom an o moulo them, oun moukau bare zorele panya te nashell an o tato them.

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Jesaja 6:11

Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”

Jesaja 7:21

An ko tsiro hi yek morshes yek terni groumni oun douy bakre.

Ezekiel 36:35

Palle penenn le: Kava them his mouklo oun divyo. Kanna hi lo har i baar Eden. Oun kal forya his paash-dino, tele-phagedo oun vi-meredo. Kanna hi le zoreles koy tardo, oun menshe djivenn pale dren.