Jesaja 34:17 - O Debleskro Lab 2024 (Sinte-Manouche)

¹⁷ Oun yob das len ko them, hakenes peskro kotar; oun hakenes hi peskri platsa, kay lo khere hi, te djivenn yon oun pengre čave an ko them hako tsireske, yaake rah, har save lendar koy hi.

O Debleskro Drom 2021 (Sinte)

¹⁷ Un job das len ko them, hakenes peskro kotar; un hakenes hi peskri platsa, kai lo khere hi, te djiwenn jon un pengre tchawe an ko them hako tsireske, jaake rah, har sawe lendar koi hi.

Jesaja 34:17 ပူးပေါင်းရင်းမြစ်များ

Debleskri gili 78:55

Yob tradas i tsele vavar menshen glan lende vin, oun das lengro them peskre menshende, hakeneste kol deesh-te-douy bare familyendar das lo lengro kotar, te vell ko them lengro. An i plarhtene khera kol vavar menshendar moukas lo i Israelitaryen te djivell.

Jesaja 17:13

Ava, har bare divye panya venn le sik. Koy čingrell o Devel ap lende, oun yon nashenn penge, oun venn tradedo har o phouss, hoy phourdell i zorelo dourho pral o them, oun har patria, hoy phourdell lo trouyel.

Jesaja 17:14

Ap i rati krenn le i menshen bari traash. Oun glan o nevo dives vella, hi le gar bouder koy. Yaake djal kolenge, kay kamenn men vin te randell. oun kamenn menge kova te čorell, hoy menge hi.

Jesaja 34:10

hoy rhačell dives oun rati. Oun koy yag djal gar vin. Oun latar djal i kalo dourho pre an o bolepen hako tsiro. Oun kek nay djivell bouder an ko them yaake rah har menshe koy hi, oun kek djal pral vergel an i vavar them an kek tsiro.

Jesaja 34:11

I ratsyakre čirkle oun i moulengre čirkle djivenn kote. Oun massengre čirkle oun korake hi kote khere. Oun o baro Devel dell o themeske peskre rigya, mashkral lende ačell o them moulo oun mouklo.

Jeremia 13:25

T'mer bistran man oun djan rhorhene deblen palla. Doleske vell kay phagi pral toute, Yerusalem, hoy me, o baro Devel tout dau.

Bičepangre 13:19

Palle tradas yob efta natsyone dran ko them Kanaan vin, oun das kava them mare menshende.

Bičepangre 17:26

Ko Devel kras ko yek menshes, o Adames. Kolestar van i tsele menshe an hake themma ap i phoub. Yob das len i tsiro, har rah yon djivenna, oun ninna an havo them yon djivenna.

5. Mose 32:9

I Israelitarya hi leskre menshe. Yon, o Yakobeskre čave, hi kolla, kay rodas lo peske vin.

Josua 18:8

Oun kol vi-rodede morsha kran pen ap o drom. Oun har le vin djan, penas o Yosua ap lende: “Djan an o tselo them trouyel, oun činenn les pre, oun palle venn pale pash mande! Oun kate an o foro Shilo vitsrau palle i barra glan o baro Debleste t'menge.”