Jesaja 33:6 - O Debleskro Lab 2024 (Sinte-Manouche)

⁶ Oun t'mer menshe an Yerusalem, t'menge vell i tsiro, kay hounte darenn či. Boud barht oun gosvepen vell t'menge. T'mer djinenn, hoy t'menge mishto oun gar mishto hi, oun djivenn o baro Debleha. Yob hi t'maro bareder bravlepen.

O Debleskro Drom 2021 (Sinte)

⁶ Un tumer menshe an Jerusalem, tumenge well i tsiro, kai hunte darenn tchi. Bud bacht un goswepen well tumenge. Tumer djinenn, hoi tumenge mishto un gar mishto hi, un djiwenn o baro Debleha. Job hi tumaro bareder brawlepen.

Jesaja 33:6 ပူးပေါင်းရင်းမြစ်များ

2. Rajengro liil 18:7

O baro Devel his leha, oun halauter hoy lo peske glan las, djas leske mishto. Oun yob peras tele o baro rayestar pral o them Assour, oun moukas koles bouder gar peskro ray te vell.

Hiob 4:6

Tou rikreh touke o Debles glan i yaka pash halauter, hoy kreh, oun djah o čačo drom. Doleske nay leh nevi zoor, oun patseh, te vell lauter pale mishto touke.

Debleskri gili 140:7

Me penom ap o baro Debleste: Tou hal miro Devel. Baro Devel, shoun, har ap toute rovau!

Debleskri gili 28:8

O baro Devel hi o zorelo ap i rig peskre menshendar. Oun o baro rayeske, hoy yob vi-rodas, hi lo har i baro zorelo kheer.

Debleskri gili 45:4

Čip tiro rharo ap tiri rig, tou čačo morsh, oun sike tiro raylepen oun zoor!

Gosewe laba 14:24

O gosvepen hi har shereskro sonakay i gosevenge. Ap o shero i narvelendar hi lengro dinlepen har i stadi.

Gosewe laba 14:26

Kova, kay djivell o baro Debleha, koles hi zoor an o dji. Ninna pral leskre čavende rikrell o baro Devel peskre vasta.

Gosewe laba 14:27

Kova, kay o baro Debleha djivell, nay djivell kek daryah. Yob rikrell peskre herya pale, te perell lo gar an i dorya, hoy tserdenn les an o merepen.

Gosewe laba 15:16

Hi feteder, te hal čorvelo oun djiveh o baro Debleha, har te hi tout i baro bravlepen oun hounte daress halautereske.

Gosewe laba 19:23

Te djiveh o baro Debleha, hi tout o djipen: tout hi doha rhapaske; tou nay soveh mishto; kek bibarht vell ap toute.

Gosewe laba 2:5

Palle hayveh, har nay djiveh o baro Debleha, oun prindjreh les boud oun boudeder.

Gosewe laba 28:2

Te hi boud čilačepen an o them, venn ninna boud raya pre. Te vell savo morsh o ray, kay djinell boud oun hayvell lauter mishto, palle hi o čačepen i rah tsiro an o them.

Gosewe laba 29:4

I baro ray, kay rikrell pes ap o čačepen, kova krell, te djal o themeske lačes. Kova, kay lell boud themeskre love peskre menshendar, kova krell o them paash.

Sikepaskro 7:12

O gosvepen hi har love. Kones kolestar doha hi, kova hounte darell gar. Leskro gosvepen rikrell o goseves an o djipen.

Sikepaskro 7:19

Leskro gosvepen krell o goseves zorleder har deesh zorele pralstoune, kay an o foro garda denna.

Jesaja 11:9

Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Jesaja 26:1

Ap ko dives givenn le kay gili an o them Youda: Men hi i zorelo foro. O Devel čivas zorele massourya troul mende, te krell kek menge čilačepen.

Jesaja 32:17

Oun kote, kay o čačepen khere hi, oun i menshe pal o Debleskre čačepaskre laba djivenn, kote hi kek kourepen oun kek čingepen. Oun kekes hounte vell daar. Yaake ačell kova hako tsireske.

Jesaja 32:18

Palle djivenn mire menshe an i them, kay kek kourepen hi, an khera, kay hounte vell len kek daar, te krell yek lenge čomone, oun ap platse, kay nay ačenn le, oun kek tradell len krik.

Jesaja 33:20

Dik ap ko foro Sion, kay mer khetne vah ap i bare divessa. Dik, har i Yerusalem i foro hi, kay djivenn i menshe kek daryah. Ko foro hi har i plarhteno kheer, hoy bouder gar tele phagedo vell. Kol saster, hoy les rikrenn, venn gar bouder vin tserdedo, oun lengre shelle djan gar bouder paash.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 51:14

Kolla, kay tele rikede hi, venn sik vin dran o pandepen. Yon merenn gar an lengro stilepen, oun len vell doha rhapen.

Jesaja 51:6

Dikenn pre an o bolepen oun tele ap i phoub! O bolepen ferdjal har i yagakro dourho ferdjal. Oun i phoub perell an peste khetne har i ripen, oun hi gar bouder. Ninna te merenn kolla, kay ap late djivenn, har i matsille, lau me t'men dran o merepen vin hako tsireske. Oun hako tsireske čivau t'men an o čačepen.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Habakuk 2:14

Yaake har o baro pani pherdo pani hi, vell i tseli phoub pherde menshe, kay djinenn, har raylo o baro Devel hi.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.

1. Timoteo 6:6

Čačepah, koon krella, hoy o Devel kamella, oun leske hi doha, hoy o Devel les della, koleskro djipen hi pherdo lačo koova.