Jesaja 33:4 - O Debleskro Lab 2024 (Sinte-Manouche)

⁴ Palle perah pral kova, hoy le čiddo moukan, har stepangre perenn pral o zenlepen, ava, har boud stepangre venna oun halauter pre rhana.

O Debleskro Drom 2021 (Sinte)

⁴ Palle perah pral kowa, hoi le tchiddo mukan, har stepangre perenn pral o senlepen, awa, har bud stepangre wenna un halauter pre chana.

Jesaja 33:4 ပူးပေါင်းရင်းမြစ်များ

2. Familjakro liil 14:13

Oun pral kol tsele forya troul o foro Gerar vas i bari traash o baro Deblestar. Yaake nay lan i lourde dran Youda ninna kal tsele forya dren, oun čoran i tsele forya vin, oun hatsan kote boud kouč koova.

2. Familjakro liil 20:25

Kote djan o Yosafat oun leskre lourde, te lenn le kova, hoy i moule lourden pash pende his, oun hatsan boud firhen, bravlepen, ripya oun kouč koova. Yaake boud his, te nay hidjran le les gar halauter. Triin divessa his le koy, te lenn le o tselo koova, yaake boud his kova.

Jesaja 33:23

Te vell yek shiffo, palle hi lengre pesse shelle gar zoreles pandlo, oun nay rikrenn ko mashkralstouno pesso kasht gar. Oun kol plarhte hi gar bourhles kerdo. Palle venn kolla, kay pash o pani djivenn oun lenn, hoy le hatsenn. Ninna kolla, kay bango djan, hidjrenn čomone krik, – yaake boud hi koy.

Jesaja 33:3

I menshe dran vavar themma nashenn penge, te shounenn le tiri gole. Te steh tou pre an tiri zoor, venn le krik tradedo ap hake rigya.

Jesaja 33:5

Sharedo pral halauter hi o baro Devel. Pral an o bolepen djivell lo. Oun ap i berga Sion krell yob o čačepen vin, te lell hakeno peskro čačepen.

Ezekiel 25:7

Doleske djau zoryah ap t'mende pre, oun dau t'men an o vast i menshendar dran vavar themma. T'mer venn lenge har ko kouč koova, hoy i kourepangre penge lenna, te van le i zorleder an o kourepen. Oun me krau, te ačess bouder kek natsyona. T'menge ačell kek them. O tselo kheer Ammon djal paash. Oun t'mer dikenn oun hayvenn, te hom me o baro Devel.

Joel 1:4

Boud boud stepangre van pral o them oun beshan pen ap o djob. Hoy moukan kolla pral, rhan kolla, kay pal lende van. Hoy kolla pral moukan, rhan kolla, kay pal kolende van. Hoy palle pral ačas, rhan kolla, kay pal kolende van.

Joel 2:25

Oun me dau t'men kol bersha pale, hoy nashran, har i boud stepangre lauter rhan. Me homs, kay kolen lauteren mank t'mende bičrom.

Joel 2:3

Glan lende djal i yag oun pal lende rhačell i phoub. Glan ko tsiro, kay venn le, hi o them har o Debleskri baar Eden, oun te djan le pral vergel, ačell i divyo paash them. Kek nay nashell lendar krik.

Joel 2:9

Yon vitsrenn pen ap o foro, djan pre ap i massurya, oun dren an i khera. Yaake har i čorepaskro venn le an i vorhya dren.