Jesaja 33:24 - O Debleskro Lab 2024 (Sinte-Manouche)

²⁴ Oun kek mensho, kay kote djivell, penell bouder: “An mande hi kek zoor.” Oun kol menshe, kay an kava foro djivenn, kolenge hi pengri phagi krik lino.

O Debleskro Drom 2021 (Sinte)

²⁴ Un kek mensho, kai kote djiwell, penell buder: “An mande hi kek soor.” Un kol menshe, kai an kau foro djiwenn, kolenge hi pengri phagi krik lino.

Jesaja 33:24 ပူးပေါင်းရင်းမြစ်များ

2. Familjakro liil 30:20

Oun o baro Devel shounas ap o Hiskiya oun moukas kek phagi ap lende te vell.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

Jesaja 1:5

Han gomme gar doha dino? Hoske rikrenn t'mare djia pandlo oun djan doureder ap t'maro čilačo drom? T'maro tselo shero hi pherdo doukepen, oun t'maro tselo dji hi nasselo.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Jesaja 58:8

Palle vell tiro čačepen glan har o kham taysarlakro. Oun tiro doukepen vell sik sasto. Oun hakeno dikell ko lačo oun čačo koova, hoy kral. Oun o baro Devel djal pal toute peskri zoryah oun dell yak ap toute.

Jeremia 30:17

Tout oun tiro doukepen krau me pale sasto, penell o baro Devel, ninna te penenn le ap toute o praasedo them un: o foro Sion, pal koleste kek poučella.

Jeremia 50:20

An ko tsiro oun an kol divessa vell koy doosh rodedo, hoy o Israel oun o Youda ap pende anan. Oun kote vell kek doosh hatslo. Me lau lat kolendar krik, kay moukom pral ačell. Kova penau me, o baro Devel.

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Zakarie 12:8

An ko tsiro rikrell o baro Devel peskre vasta pral i menshende an o foro Yerusalem. Oun i menshe kote sikrenn pen yaake zorelo, te hi i bango yaake zorelo har o David his. Oun i menshe dran o Davideskro kheer djan glan lende, har te djals o Debleskro bolepaskro glan lende.

5. Mose 28:27

O baro Devel bičrell t'men savo nasslepen, hoy lo glan i rah tsiro i Egiptaryen das: I djoungelo nasslepen vell ap t'maro mass, doukepen phagell pre, oun t'maro mass rhačell oun rhandjrell. Oun kek drab hi koy, hoy nay krell t'men sasto.

5. Mose 7:15

Oun o baro Devel lell hako nasslepen t'mendar, oun anell kek savo nasslepen ap t'mende, hoy ap i menshende an o them Egiptia van, oun hoy t'mer prindjrenn. Na-a gar ap t'mende čivell lo len, ap hakeneste, kay ap t'mende pre djal, čivell lo len.

Jakobo 5:14

Te hi yek t'mendar nasselo, kharell lo kolen, kay hi i phoureder mank i patslende, te mangenn le o Debles leske, oun te makenn le les o djeteha dren an o Yezouseskro lab.

Debleskro tsiro 21:4

Oun yob khossella hake sva ap lengre yaka tele. Oun o merepen dell gar bouder, vitar kek bibarht, kek ropen oun kek douka. Kova hoy his, dell gar bouder.

Debleskro tsiro 22:2

O pani nashell mashkral o baro drom. Ap haki rig o panyestar hi kol rouka tardo, kay denna o djipen. Ap lende venna deesh-te-douy kope an i bersh roukengro rhapen baro, hako čon yek kopo. Oun i patria kol roukendar krenn i menshen an i tsele themma sasto.