Jesaja 33:20 - O Debleskro Lab 2024 (Sinte-Manouche)

²⁰ Dik ap ko foro Sion, kay mer khetne vah ap i bare divessa. Dik, har i Yerusalem i foro hi, kay djivenn i menshe kek daryah. Ko foro hi har i plarhteno kheer, hoy bouder gar tele phagedo vell. Kol saster, hoy les rikrenn, venn gar bouder vin tserdedo, oun lengre shelle djan gar bouder paash.

O Debleskro Drom 2021 (Sinte)

²⁰ Dik ap ko foro Zion, kai mer khetne wah ap i bare diwessa. Dik, har i Jerusalem i foro hi, kai djiwenn i menshe kek darjah. Ko foro hi har i plachteno kheer, hoi buder gar tele phagedo well. Kol saster, hoi les rikrenn, wenn gar buder win tserdedo, un lengre shelle djan gar buder paash.

Jesaja 33:20 ပူးပေါင်းရင်းမြစ်များ

Debleskri gili 128:5

O baro Devel dell tout barht kotar, kay lo khere hi, ap i berga Sion. Yaake rah har djiveh, dikeh koy barht, hoy vell dran o foro Yerusalem.

Debleskri gili 46:5

Lačo djoudjo pani nashella an o Debleskro foro, kay o Devel pral halauter djivell oun leskro kheer hi, Ko pani krell ko fores barhtelo.

Debleskri gili 46:6

O Devel hi mashkral leste, doleske perell o foro gar khetne. O Devel vell ap leskri rig sik taysarlakro.

Jesaja 32:18

Palle djivenn mire menshe an i them, kay kek kourepen hi, an khera, kay hounte vell len kek daar, te krell yek lenge čomone, oun ap platse, kay nay ačenn le, oun kek tradell len krik.

Jesaja 33:6

Oun t'mer menshe an Yerusalem, t'menge vell i tsiro, kay hounte darenn či. Boud barht oun gosvepen vell t'menge. T'mer djinenn, hoy t'menge mishto oun gar mishto hi, oun djivenn o baro Debleha. Yob hi t'maro bareder bravlepen.

Jesaja 37:33

Doleske penell o baro Devel pral o baro rayeste dran o them Assour: Na-a, yob vell gar an kava foro, oun dell kek faylo karye an kava foro dren. Glan kava foro nay čivell lo kek lourden, kay rikrenn pengre shilte pre. Oun kek phoub moukell lo pre te čivrell, te nay djal lo koy pral an o foro dren.

Jesaja 4:5

Pral i tseli berga Sion oun pral kay platsa, kay venn le khetne, bičrell o baro Devel palle yek folka ap o dives, oun i yagakro dourho an i rati. Yaake čakrell lo o foro peskro raylepah

Jesaja 54:2

Kre tiro plarhteno kheer bourhlo! Tserde kol plarhte ap i rigya doureder! Ab gar čindo! Kre i shelle lengsto, oun de kol saster, hoy rikrenn len, zoreles an i phoub dren!

Jesaja 66:14

T'mer dikenn kova, oun t'mare djia givenna. Oun t'mer lenn nevi zoor, yaake har o zenlepen, te dell brishin. Oun i menshe dikenn, te hi o baro Debleskri zoor pash peskre boudepangre, oun leskri rholi ap kolende, kay shounenn gar ap leste.

Ezekiel 48:35

Kal star rigya o forestar hi khetne enya (9) kilometarya lengsto. Foun ko tsiro vell o foro kharedo: O baro Devel hi kay!

Ezekiel 48:8

Ap i čači rig ko themestar, hoy o kheer Youda lell, čivenn i kotar ap i rig, hoy mange hi. Kava kotar djal ninna foun kote, kay o kham pre djal bis kote, kay o kham tele djal, oun hi 12,5 (deesh-te-douy-te-paash) kilometarya bourhlo, oun yaake lengsto har kol vavar kotya ninna. Mashkral dren hi miro kheer tardo.

Mateo 16:18

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

5. Mose 12:5

Mangenn o baro Debles ap i platsa an, hoy yob peske vin rodell mashkral an o them Israel, te djivell lo kote. Kote djan, te mangenn les an.

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

Debleskro tsiro 3:12

Kova, kay zoreles an o patsepen ačas, oun gar pre das, dran koleste krau me yekes, kay hi har i baro bar, hoy rikrell miro Debleskro kheer. Oun kova ačell koy tardo hako tsireske. Oun me činau o lab miro Deblestar ap leste, oun o lab o Debleskro forestar. Kova hi o nevo Yerusalem, hoy dran o bolepen tele vella. Oun miro nevo lab činau ninna ap leste.