Jesaja 33:19 - O Debleskro Lab 2024 (Sinte-Manouche)

¹⁹ Kol pre-phourde menshen dikeh tou gar bouder, kolengro rakepen gar hayval, kol laba, kolendar gar djinal, hoy kamenn le te penell.

O Debleskro Drom 2021 (Sinte)

¹⁹ Kol pre-phurde menshen dikeh tu gar buder, kolengro rakepen gar haiwal, kol laba, kolendar gar djinal, hoi kamenn le te penell.

Jesaja 33:19 ပူးပေါင်းရင်းမြစ်များ

1. Mose 11:7

Avenn, djas tele pash lende oun das hakenes i vavar rakepen, yaake, kay yek i vavares bouder gar hayvella.”

2. Rajengro liil 19:32

Doleske penell o baro Devel pral o baro rayeste pral o them Assour: Na-a, yob vell gar an kava foro, oun dell kek faylo karye an kava foro dren. Glan kava foro nay čivell lo kek lourden, kay rikrenn pengre shilte pre. Oun kek phoub moukell lo pre te čivrell, te nay djal lo koy pral an o foro dren.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

Jesaja 28:11

Ava, i tsiro vella, koy bičrell o Devel vi-themarya pash kal menshende. Oun kolengro rakepen hayvenn le gar.

Jesaja 37:34

Ap ko drom, kay lo vas, hounte djal lo pale pale. An kava foro vell lo gar. Me, o baro Devel, penau kova.

Jesaja 37:37

Oun o Sanherib, ko baro ray pral o them Assour, moukas i plarhtene khera tele te phagell, oun djas peskre lourdentsa pale pale, oun ačas an o foro Ninive.

Jeremia 5:15

Pen kol menshenge an Israel: Me anau menshen foun doural pash t'mende, penell o baro Devel, menshe, kolengro rakepen, oun hoy yon penenna, hayvenn t'mer gar. I phouri natsyona hi le. Oun len hi bari zoor.

1. Korintarja 14:21

An o Debleskro lab hi činlo: Me kamau te rakrap ap kal menshende an o vavar rakepen. Oun vi-themarya penenn lenge mire laba. Oun ninna palle shounenn le gar ap mande, penell o Devel.