Jesaja 33:17 - O Debleskro Lab 2024 (Sinte-Manouche)

¹⁷ Tire yaka dikenn o baro rayes an peskro tselo shoukapen. Tou dikeh i bourhlo them.

O Debleskro Drom 2021 (Sinte)

¹⁷ Tire jaka dikenn o baro rajes an peskro tselo shukapen. Tu dikeh i buchlo them.

Jesaja 33:17 ပူးပေါင်းရင်းမြစ်များ

2. Familjakro liil 32:23

Boud menshe anan čomone o baro Debleske an o foro Yerusalem oun shoukar oun kouč koova o baro rayeske an Youda, o Hiskiya. Kava tsirestar his lo bares an-diklo kol menshendar an i tsele vavar themma.

Hiob 19:27

Ava, dikau les mire yakentsa. Oun yob hi mange kek, kay prindjrau gar. Miro dji nashell leste palla.

Debleskri gili 31:8

Miro dji sal oun me stau i barhtyatar pral tiro lačepen. Tou dikal, har mange djoungeles djas, oun djinal, har pharo miro djipen his.

Debleskri gili 45:2

Miro dji hi pherdo shoukar laba i gilyake, hoy kamau te givap miro baro rayeske. Miri čip hi har i činepaskro yekestar, kay hayvell mishto laba te činell.

Kamlepaskri gili 5:10

Miro pirno hi sasto oun zorelo, kokres yek mank zeryende hi har yob.

Jesaja 24:23

Oun o čon vell lolo i ladjatar, oun o kham ladjell pes oun khatrell pes. O baro Devel, ko ray pral o bolepen oun i phoub, vell o baro ray ap i berga Sion an o foro Yerusalem. Oun i phoureder dikenn leskro raylepen.

Jesaja 26:15

Baro Devel, tou moukal tire menshen boud te vell, mer vam i bari natsyona. Oun maro them kral bareder oun bourhleder. Yaake sikral tiro barepen oun tiri zoor.

Jesaja 33:21

Kote hi o baro Devel zoreles pash mende. Yob hi maro čačepaskro ray, oun kova, kay menge glan djal, ava, maro baro ray, kay men dran o merepen vin lell. Oun o foro hi čiddo pash bourhle lengste panya. Oun kek bero oulerell ap lende. Oun kek kourepaskro shiffo oulerell ap lende trouyel.

Jesaja 37:1

Har o baro ray Hiskiya kova shounas, kras lo peskre koola paash oun rivas i gono ap peste, oun djas an o baro Debleskro kheer.

Jesaja 6:5

Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

Zakarie 9:17

Ava, har raylo oun shoukar vell kova! I čave venn zorele terne morsha oun djouvya, yaake boud djob oun mool hi koy.

Mateo 17:2

Oun glan lengre yaka las lo i bolepaskro raylepen. Leskro mouy vas har o kham. Oun leskro ripen vas biyalo har i bari momeli.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 14:21

Koon mire laba shounella oun krell, hoy me penau, kova kamell man čačepah o djiyestar. Oun koon man kamella, koles kamell miro dad. Oun me kamau les ninna o djiyestar oun me sikrau leste, koon me hom.”

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

2. Korintarja 4:18

Kava raylepen hi menge. Mer dikah gar ap kova, hoy i menshe nay dikenna. Na-a, mer dikah ap kova, hoy kanna kek nay dikella. Kova, hoy yon kanna dikenna, hi yek kopo bouder gar koy. Kova, hoy yon gar dikenna, kova ačella hako tsireske.

1. Johanni 3:2

Lače phrala oun phenya, kanna ham Debleskre čave. Oun hoy mer vah an ko tsiro, hoy vella, djinah gomme gar. Yek djinah: Ap ko tsiro, kay vell o Yezous Kristo pale, dikah les har yob hi, oun mer vah yaake, har yob hi.