Jesaja 33:15 - O Debleskro Lab 2024 (Sinte-Manouche)

¹⁵ Kolla, kay an o čačepen tardo hi, oun rakrenn, hoy čačo hi; kolla, kay kekeske rhorhepah love tele lenn, te venn le bravelo, oun tserdenn pengre vasta pale, te kamell yek len love te dell, te anenn le rhorhepen pre; kolla, kay shounenn gar ap kolende, kay kamenn yekes te marell, oun kolla, kay djan gar kolentsa, kay o čilačepen krenn,

O Debleskro Drom 2021 (Sinte)

¹⁵ Kolla, kai an o tchatchepen tardo hi, un rakrenn, hoi tchatcho hi; kolla, kai kekeske chochepah lowe tele lenn, te wenn le brawelo, un tserdenn pengre wasta pale, te kamell jek len lowe te dell, te anenn le chochepen pre; kolla, kai shunenn gar ap kolende, kai kamenn jekes te marell, un kolla, kai djan gar kolentsa, kai o tchilatchepen krenn,

Jesaja 33:15 ပူးပေါင်းရင်းမြစ်များ

Hiob 31:7

Te djan mire herya tele leskro dromestar, oun te nashas miro dji mire yakenge palla, oun te kran mire vasta čomone, hoy gar mishto hi,

Debleskri gili 106:3

Barhteles hi kolla, kay leskre laba rikrenna, oun hako tsiro o čačepen krenna.

Debleskri gili 119:37

Kre, te dikap gar ap kova, hoy či moldo hi, oun de man pale nevi zoor ap tiro drom!

Debleskri gili 15:5

Te patsas lo peskre love, lell lo gar boudeder love pale. Ninna te denn le les shoukar koova, anell lo kek rhorhepen ap koleste, kay kek čilačepen kras. Koon yaake djivella, kova hi zoreles tardo an peskro djipen.

Gosewe laba 1:10

I čilače, te penenn le: Dik, hoy krah! Palle dja gar koy!

Gosewe laba 1:15

Miro čavo, ma dja lentsa ap lengro drom! Rike tout krik lendar!

Gosewe laba 10:9

Kova, kay an o čačepen djivell, hounte darell gar. Kova, kay ap bange dromma djal, vell tapedo.

Gosewe laba 15:27

Koon rhorhepah peskro bravlepen khetne lell, anell peskri familya an i bibarht. Koon moukell pes gar te ginell, savo djivell.

Jesaja 58:6

Kanna penau touke, hoy i dives hi, hoy glan mire yaka mishto hi: I dives, kay kreh tou kol shelle pre kolendar, kay pandlo van, oun kay kek čilačepen kran. Mouk kolen te djan, ap kolende pharo koova čival! Le ko koova krik, koleha len tele rikral! Oun phage kol shelle, hoy troul lengre menya pandlo hi.

Jesaja 58:8

Palle vell tiro čačepen glan har o kham taysarlakro. Oun tiro doukepen vell sik sasto. Oun hakeno dikell ko lačo oun čačo koova, hoy kral. Oun o baro Devel djal pal toute peskri zoryah oun dell yak ap toute.

Ezekiel 22:13

Me dau mire vasta khetne kol lovenge, hoy t'mer rhorhepah khetne anan, oun ko rateske kolendar, kay pash t'mende maredo van.

Maleachi 2:6

Yon anan i menshenge kova pashel, hoy čačo hi. Oun kek čilačo lab his an lengre mouya. Yon djivan glan mande an o lačepen oun an o čačepen, oun rikran boud menshen o čilačepastar pale.

4. Mose 16:15

Koy vas o Mose rhoyedo, oun penas ap o baro Debleste: “Ma dik lačes ap kova, hoy yon tout denna! Me lom gar i bourika lendar, oun krom len kek čilačepen.”

Mateo 26:15

oun poučas lendar: “Kitse love denn man t'mer, te dau les an t'mare vasta?” Oun yon dan les triyanda roupene beme.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Louka 19:8

O Zakeo his koy tardo oun penas ap o Yezouseste: “Mo ray, me dau i čorvelende i paash lauterestar, hoy man hi. Oun te rhorhrom yekes, dau les kanna star kope yaake boud pale.”

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

5. Mose 16:19

Te hal tou i čačepaskro, hounte dess tou koles peskro čačepen, koon an o čačepen hi. Tou dikess gar koy pre, koon glan toute tardo hi. Te dell yek tout kouč koova, te dess tou les čačepen, ma le kova an! Koon savo shoukar kouč koova an-lell, vell korelo o čačepaske, oun dikell bouder gar, koon an o čačepen hi.

Jakobo 5:4

Shounenn! T'mer rhorhran t'mare boudepangren, kay boudran ap t'maro them, oun dan len kek love. Kolla denn gole ap o bolepen. Lengri gole shounell o Devel, ko ray pral o bolepen oun i phoub.

1. Johanni 3:7

Čovale, moukenn t'men kekestar o Debleskro dromestar tele te anell! T'mer hounte djinenna, kolla, kay krenna, hoy čačo hi glan o Debleskre yaka, kolla hi an o čačepen tardo glan o Debleste yaake har o Yezous an o čačepen tardo hi glan o Debleste.

1. Samuel 12:3

Doleske hom kanna glan t'mende tardo: Stenn pre oun rakrenn kate glan o baro Debleste oun glan o baro rayeste, kones yob vin rodas: Koneskri groumni lom me? Koneskri esla? Kones rhorhrom me? Konestar lom i zoryah, hoy leske his? Konestar moukom man te playsrell, te pandap mire yaka glan leskro čilačo koova. Me te krom kova, palle kamau les me pale te dell.”